નવી દિલ્હી : આપણી ભારતીય સંસ્કૃતિ, આપણી ઓળખ, આપણું સત્ય અને આપણો ગૌરવશાળી ઈતિહાસ હવે વિશ્વ સિનેમાના વિશાળ પટલ પર સૌથી ભવ્ય અને મહાકાવ્ય સ્વરૂપે જીવંત થવા જઈ રહ્યો છે. સમગ્ર દેશ જેની આતુરતાથી રાહ જોઈ રહ્યો છે તે દૈવી મહાકાવ્ય ‘રામાયણ’ મોટા પડદા પર રજૂ થવા માટે સજ્જ છે. પ્રખ્યાત ભારતીય નિર્માતા નમિત મલ્હોત્રાનો આ એક અત્યંત મહત્વાકાંક્ષી ડ્રીમ પ્રોજેક્ટ છે, જેના પર તેઓ વિતેલા અગણિત વર્ષોથી અથાક મહેનત કરી રહ્યા છે.

નિતેશ તિવારીનું દિગ્દર્શન અને ભારતીય મૂલ્યોનું વૈશ્વિકીકરણ

દંગલ ફેમ દિગ્દર્શક નિતેશ તિવારીના કલ્પનાશીલ દિગ્દર્શન હેઠળ આકાર લઈ રહેલી આ ફિલ્મ માત્ર એક સિનેમેટિક પ્રોજેક્ટ નથી, પરંતુ વૈશ્વિક દર્શકો માટે એક આત્મિક અને દૈવી અનુભવ બનવા જઈ રહી છે. નમિત મલ્હોત્રા અને નિતેશ તિવારીની જોડીએ ‘આપણા રામ’ ની પવિત્ર કથાને કોઈ પણ પ્રકારે સીમિત રાખવાને બદલે તેને આંતરરાષ્ટ્રીય સ્તરના સર્વોચ્ચ ટેકનિકલ ધોરણો સાથે રજૂ કરવાનો મક્કમ નિર્ધાર કર્યો છે.

હોલીવુડના ઓસ્કાર વિજેતા ટેકનિશિયનોનો સંગમ

આ ભારતીય મહાકાવ્યને વૈશ્વિક સ્તરે અદ્ભુત વિઝ્યુઅલ ટ્રીટ બનાવવા માટે હોલીવુડના ટોચના ટેકનિશિયનોને સાંકળવામાં આવ્યા છે:

· ડેન ગ્લાસ (Dan Glass): મેટ્રિક્સ અને વિઝ્યુઅલ ઈફેક્ટ્સના પ્રખ્યાત લેજન્ડ, જેઓ રામાયણના VFX ની કમાન સંભાળી રહ્યા છે.

· ગાય નોરિસ (Guy Norris): હોલીવુડના પ્રખ્યાત એકશન ડિરેક્ટર, જેઓ ફિલ્મના ભવ્ય યુદ્ધ દ્રશ્યોને ડિઝાઈન કરી રહ્યા છે.

ઓસ્કાર વિજેતા ટેકનિશિયનો અને ભારતીય સિનેમાની સંવેદનાઓના આ અનોખા સંગમથી ‘રામાયણ’ માત્ર ભારતીય ફિલ્મ ઉદ્યોગ જ નહીં, પરંતુ વૈશ્વિક સિનેમાના ઈતિહાસમાં એક નવો બેન્ચમાર્ક સ્થાપિત કરવા જઈ રહી છે.