મુંબઈ: ટેલિવિઝન સ્ક્રીન પર કોઈ નકારાત્મક કે ડાર્ક કેરેક્ટર ભજવવું ક્યારેય સરળ હોતું નથી, ખાસ કરીને એવા યુવા કલાકારો માટે જેઓ અત્યારે અભિનયની બારીકીઓ શીખી રહ્યા છે. આવા સ્તરદાર પાત્રોને જીવંત બનાવવા માટે પાત્રની ભાવનાત્મક તીવ્રતા અને વાસ્તવિક જિંદગી વચ્ચે યોગ્ય સંતુલન જાળવવું ખૂબ જરૂરી બની જાય છે. સોની સબ ચેનલ પર પ્રસારિત થતા લોકપ્રિય શો 'હસ્તિનાપુર કે વીર'ના સેટ પર કેમેરાની પાછળ પણ આવી જ એક સુંદર અને પ્રેરણાદાયી મિત્રતા જોવા મળી રહી છે, જ્યાં સિનિયર કલાકારો પોતાના બાળ કલાકારોને સતત સાચું માર્ગદર્શન પૂરું પાડે છે. શોમાં મામા શકુનીની ભૂમિકા નિભાવતા જાણીતા કલાકાર ચંદન આનંદ પડદા પાછળ નાનકડા દુર્યોધન (આયુધ ભાનુશાલી) માટે એક સાચા માર્ગદર્શક બનીને ઉભરી આવ્યા છે.

વાસ્તવિક જિંદગીમાં પાત્રની નકારાત્મકતા હાવી ન થાય તે માટે ચંદન આનંદ રહે છે સતર્ક:

આયુધ ભાનુશાલી ખૂબ જ નાની ઉંમરે પુરાણોના સૌથી જટિલ અને ક્રોધિત નકારાત્મક પાત્રોમાંના એક એવા દુર્યોધનની ભૂમિકા ભજવી રહ્યો છે. આ જ કારણે ચંદન આનંદ ખાસ ધ્યાન રાખે છે કે પાત્રની તીવ્રતા કે ગુસ્સો તેની અસલી જિંદગીને અસર ન કરે. શૂટિંગના ટેક વચ્ચે હળવી મજાક-મસ્તી કરવી હોય, તેને સેટ પરના અન્ય બાળકો સાથે રમવા માટે પ્રોત્સાહિત કરવાનો હોય કે પછી દુર્યોધનના નકારાત્મક કાર્યો માત્ર અભિનય પૂરતા જ સીમિત છે તેની યાદ અપાવવાની હોય – ચંદન ખાતરી કરે છે કે આયુધ કેમેરા બંધ થયા બાદ એક ખુશમિજાજ, જમીન સાથે જોડાયેલો અને રમૂજી બાળક જ બની રહે. આ પ્રયાસોથી આયુધ એક કલાકાર તરીકે સતત પરિપક્વ બની રહ્યો છે.

"ડિરેક્ટર 'કટ' બોલે એટલે દુર્યોધન સેટ પર જ છૂટી જવો જોઈએ":

પોતાનો અનુભવ અને માર્ગદર્શન શેર કરતા અભિનેતા ચંદન આનંદે જણાવ્યું હતું કે, “નાનકડા કલાકારો સાથે કામ કરવાનો અનુભવ હંમેશા વિશેષ હોય છે, કારણ કે તેઓ આસપાસના વાતાવરણને ખૂબ જ ઝડપથી ગ્રહણ કરી લે છે. આયુધ જે દુર્યોધનનું પાત્ર ભજવી રહ્યો છે તે ગુસ્સા, અત્યંત મહત્ત્વાકાંક્ષા અને ભાવનાત્મક ગૂંચવણોથી ભરેલું છે. આથી એક સિનિયર કલાકાર તરીકે મારી એ ફરજ બને છે કે તેને સમજાવું કે આ નકારાત્મક લાગણીઓ માત્ર શૂટિંગ પૂરતી જ છે. હું તેને વારંવાર કહું છું કે ડિરેક્ટર ‘કટ’ બોલે એટલે દુર્યોધન સેટ પર જ રહી જવો જોઈએ અને આયુધે ફરી પોતાના અસલી સ્વરૂપમાં આવી જવું જોઈએ. હું તેને હસવા, રમવા, સેટ પર સૌની સાથે સમય વિતાવવા અને પોતાના બાળપણનો ભરપૂર આનંદ માણવા પ્રોત્સાહિત કરું છું. કોઈ પણ પાત્ર કેમેરાની સામે જ રહેવું જોઈએ, ક્યારેય આપણી વાસ્તવિક જિંદગીનો ભાગ ન બનવું જોઈએ.”

આ પૌરાણિક અને રોમાંચક ડ્રામાનો આનંદ માણવા માટે દર્શકો સોમવારથી શનિવાર, રાત્રે 9:00 વાગ્યે સોની સબ ચેનલ પર શો 'હસ્તિનાપુર કે વીર' નિહાળી શકે છે.