મુંબઇ : હિન્દી સિનેમામાં દેશી ગર્લ તરીકે જાણીતી અને હાલમાં હોલીવુડમાં સંપૂર્ણપણે સક્રિય અને ત્યાં રહેતી અભિનેત્રી પ્રિયંકા ચોપરા વિશેના એક સમાચાર ચર્ચામાં આવ્યા છે.  એવું કહેવામાં આવી રહ્યું છે કે પ્રિયંકા ચોપરાએ મુંબઈમાં પોતાના 4 આલીશાન એપાર્ટમેન્ટ એક જ પરિવારના સભ્યોને કરોડોમાં વેચી દીધા છે. નોંધનીય છે કે પ્રિયંકા ચોપરાએ 2018 માં અમેરિકન ગાયક નિક જોનાસ સાથે લગ્ન કર્યા હતા, ત્યારબાદ તેણે ભારત છોડીને અમેરિકામાં સ્થાયી થવાનો નિર્ણય લીધો હતો.  હવે તે તેના પતિ નિક જોનાસ અને પુત્રી માલતી સાથે લોસ એન્જલસમાં રહે છે.  જોકે, તે સમયાંતરે ભારતની મુલાકાત લેતી રહે છે.  તાજેતરમાં, પ્રિયંકા તેના ભાઈ સિદ્ધાર્થ ચોપરાના લગ્નમાં હાજરી આપવા માટે ભારત આવી હતી.