મુંબઈ, તા.૧૩: શાહરૂખ ખાન ગુરુવારે મોડી રાત્રે મુંબઈની એચએન રિલાયન્‍સ ફાઉન્‍ડેશન હોસ્‍પિટલ પહોંચ્‍યા હતા. જ્‍યાં તે દીપિકા પાદુકોણને મળવા ગયા હતા. દીપિકા પાદુકોણે ૮ સપ્‍ટેમ્‍બરે એક બાળકીને જન્‍મ આપ્‍યો છે. ત્‍યારથી તે અહીં દાખલ છે. શાહરૂખ ખાન પણ ગુરુવારે મોડી રાત્રે હોસ્‍પિટલ પહોંચ્‍યા હતા અને બાળકીના ખબર અંતર પૂછવા માટે દીપિકાને મળ્‍યા હતા. શાહરૂખ ખાન પહેલા પણ દીપિકા પાદુકોણને મળવા ઘણા સ્‍ટાર્સ અહીં પહોંચ્‍યા હતા.

શાહરૂખ ખાન પોતાની રોલ્‍સ રોયસ કારમાં હોસ્‍પિટલ પહોંચ્‍યા હતા. કારને જોતા જ લોકોના ટોળા એકઠા થઈ ગયા હતા. લોકોએ તેને ઓળખી લીધા અને તેની તસવીરો સોશિયલ મીડિયા પર વાયરલ થવા લાગી.

દીપિકા પાદુકોણ અને રણવીર સિંહ બોલિવૂડના પાવર કપલ્‍સમાંના એક છે. બંને તાજેતરમાં માતા-પિતા બન્‍યા છે. દીપિકાએ ૮ સપ્‍ટેમ્‍બરે એક બાળકીને જન્‍મ આપ્‍યો હતો. ત્‍યારથી તેણીને હોસ્‍પિટલમાં દાખલ કરવામાં આવી છે. દીપિકા અને રણવીર સિંહના લગ્ન ૧૪ નવેમ્‍બર ૨૦૧૮ના રોજ થયા હતા. આ પછી થોડા મહિના પહેલા પ્રેગ્નન્‍સીની જાહેરાત કરવામાં આવી હતી. હવે દીપિકા અને રણવીર સિંહ પણ પેરેન્‍ટ્‍સ બની ગયા છે. નોંધનીય છે કે આ પહેલા મુકેશ અંબાણી પણ દીપિકા પાદુકોણે મળવા પહોંચ્‍યા હતાં.

દીપિકા પાદુકોણ માતા બન્‍યા બાદ ટૂંક સમયમાં જ સિનેમાઘરોમાં જોવા મળવાની છે. દીપિકા પાદુકોણની ફિલ્‍મ ૧ નવેમ્‍બરે રિલીઝ થઈ રહી છે. નિર્દેશક રોહિત શેટ્ટીની આ ફિલ્‍મમાં રણવીર સિંહ પણ જોવા મળશે. ફિલ્‍મનું નામ ‘સિંઘમ અગેન' છે. આ ફિલ્‍મમાં દીપિકા પાદુકોણ જોરદાર એક્‍શન કરતી જોવા મળશે. ફિલ્‍મના પોસ્‍ટરમાં દીપિકા પાદુકોણની એક્‍શન પણ બતાવવામાં આવી છે. હવે જોવાનું એ રહેશે કે રોહિત શેટ્ટીની આ ફિલ્‍મ લોકોને કેટલી પસંદ આવે છે. ફિલ્‍મને લઈને દર્શકોમાં ભારે ઉત્‍સાહ જોવા મળી રહ્યો છે.