તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
‘ગોલી' બાદ હવે ‘અબ્દુલે' શો છોડી દીધો !!
તારક મહેતા કા ઉલ્ટા ચશ્માના એક - એક કલાકારો પડી રહ્યા છે
મુંબઈ, તા.૨૨: ભારતમાં પ્રખ્યાત ટીવી સિરિયલ ‘તારક મહેતા કા ઉલ્ટા ચશ્મા'ના ચાહકોની કોઈ કમી નથી. લોકો તેને રવિવાર સિવાય દરરોજ જોવાનું પસંદ કરે છે. જુલાઈ ૨૦૨૪માં સમાચાર આવ્યા કે અભિનેતા કુશ શાહ એટલે કે ગોલીએ ૧૬ વર્ષ બાદ શો છોડી દીધો છે. હવે અમે તારક મહેતા કા ઉલ્ટા ચશ્માના પાત્ર અબ્દુલ વિશે વાત કરી રહ્યા છીએ. જે ગોકુલધામ સોસાયટીમાં દુકાન ચલાવે છે. આ પાત્ર અભિનેતા શરદ સાંકલાએ ભજવ્યું છે. હવે એવું કહેવામાં આવી રહ્યું છે કે તેણે આ શો છોડી દીધો છે.
આનું કારણ આ શોના ઘણા એપિસોડમાં તેની ગેરહાજરી છે. અબ્દુલ લગભગ ૪ એપિસોડથી શોમાંથી ગાયબ છે. તે શનિવારે શરૂ થયો જ્યારે સોનાલિકા જોશી એટલે કે માધવીએ કહ્યું કે અબ્દુલનો ફોન કામ કરી રહ્યો નથી અને તેણે શનિવાર સાંજથી પોતાનો સ્ટોર ખોલ્યો નથી. જેના કારણે અબ્દુલ અચાનક ગુમ થતાં ગોકુલધામ સોસાયટીના સભ્યો ચિંતિત બન્યા હતા.
તેઓ અબ્દુલને શોધવા ઈન્સ્પેક્ટર ચાલુ પાંડેનો સંપર્ક કરે છે, પરંતુ તે પણ શંકાસ્પદ છે. જો આપણે તેના સોશિયલ મીડિયા પર નજર કરીએ તો, તેણે તેની છેલ્લી પોસ્ટ ત્યાં પણ ૭ મી મેના રોજ શેર કરી હતી. ત્યારથી તે ઈન્સ્ટા પર પણ એક્ટિવ નથી.
આ સાથે, ઘણા મીડિયા અહેવાલોમાં એવો પણ દાવો કરવામાં આવી રહ્યો છે કે શરદ સાંકલાએ મે ૨૦૨૪ માં શોને અલવિદા કહી દીધું હતું, પરંતુ તેની પાછળનું કારણ જાણી શકાયું નથી. ૧૬ વર્ષ પહેલા તેનો પહેલો એપિસોડ પ્રસારિત થયો ત્યારથી શરદ શોનો એક ભાગ હતો.
અત્યાર સુધી ટીવી સીરિયલની ટીમ તરફથી આ અંગે કોઈ પ્રતિક્રિયા આપવામાં આવી નથી. પરંતુ અબ્દુલના શો છોડવાના સમાચાર ઈન્ટરનેટ અને સોશિયલ મીડિયા પર જંગલની આગની જેમ ફેલાઈ રહ્યા છે. હવે સમય જ કહેશે કે અબ્દુલ આ શોનો ભાગ છે કે નહીં.
(4:02 PM IST)
છેલ્લા 8 દિવસમાં સૌથી લોકપ્રિય 
