(લિતેશ ચંદારાણા દ્વારા) વાંકાનેર, તા. ૧૯ : આજે વાંકાનેરનાં રાજવી પરિવારના સભ્‍ય ડૉ.એમ.કે.રણજીતસિંહ ઝાલાનો જન્‍મ દિવસ છે.

ડો.એમ.કે રણજીતસિંહ સંધ લોક સેવા આયોગ (UPSC) ની પરીક્ષા સન -૧૯૬૧ માં IAS પાસ કરી બાળપણથી જંગલ અને વન્‍યજીવો પ્રત્‍યેના લગાવને કારણે ગુજરાતમાં ઉછર્યા હોવાં છતાં તેમણે સંધીય સેવા માટે તાત્‍કાલીન સમયે દેશનું ૨૫ ટકા થી વધારે વન વિસ્‍તાર ધરાવતું મધ્‍યપ્રદેશ રાજય પસંદ કર્યું અને ધાર જીલ્લાનાં કલેકટર તરીકે નિમાયા ત્‍યારબાદ મધ્‍યપ્રદેશનાં મંડલા જીલ્લાનાં કલેકટર તરીકે લુપ્તતાના આરે આવેલા ભારતીય બારાસિંગા પ્રાણીના સંવર્ધન માટે નોંધપાત્ર યોગદાન આપ્‍યું હતું.

તેવો મધ્‍યપ્રદેશમાં વન્‍ય અને પર્યટન ના ભૂતપૂર્વ સચિવ, વન્‍યજીવ સંરક્ષણ ના ડિરેક્‍ટર, વાઇલ્‍ડ લાઇફ ટ્રસ્‍ટ ઓફ ઇન્‍ડિયા (WTI) અધ્‍યક્ષ છે WWF ટાઇગર કનઝર્વેશન પ્રોગ્રામ (TCP) નાં ડિરેક્‍ટર જનરલ અને યુનાઈટેડ નેશન્‍સ એન્‍વાયરમેન્‍ટ પ્રોગ્રામ (UNEP) અંતર્ગત સન ૧૯૭૫-૧૯૮૦ સુધી એશિયા-પેસિફિક રીજીયન ના પ્રાદેશિક સલાહકાર રહી ચુકયા છે આ દરમ્‍યાન તેઓએ બાંગ્‍લાદેશ માટે વન સંરક્ષણ નીતિ ઘડવામાં મુખ્‍ય ભૂમિકા ભજવી હતી વન્‍યજીવ સુરક્ષા અધિનિયમ -૧૯૭૨ ઘડનારા અને મધ્‍યપ્રદેશ ના રક્ષિત વન વિસ્‍તારમાં ૧૨ હજાર વર્ગ ચોરસ કિલોમીટરનો ઉમેરો કરનાર ડો.એમ.કે. રણજીતસિંહ વન અને વન્‍યજીવ સંવર્ધન વિભાગ ના પ્રથમ નિયામક હતાં,

ડો. એમ.કે રણજીતસિંહનાં અથાગ પ્રયત્‍નોને કારણે જ રામપરા જંગલને ૧૯૮૮ માં અભ્‍યારણ્‍યનો દરજ્જો મળેલ અને વર્તમાનમાં મધ્‍યપ્રદેશનાં કુનો જંગલમાં ચિત્તાના પુનર્વસન પ્રક્રિયામાં પણ તેવોનો સિંહ ફાળો રહેલો છે.