મુંબઈ, તા.૦૫: સિનેમાઘરોમાં બોક્સઓફિસ પર ધૂમ મચાવ્યા બાદ હવે બોલિવૂડ અભિનેતા રણબીર કપૂર અભિનીત અત્યંત ચર્ચિત અને પૌરાણિક ફિલ્મ 'રામાયણ' ઓટીટી પ્લેટફોર્મ પર રિલીઝ થવા માટે સંપૂર્ણપણે તૈયાર છે. ભગવાન શ્રી રામના જીવન પર આધારિત આ ભવ્ય ફિલ્મમાં રણબીર કપૂરને રામના પાત્રમાં જોવા માટે દર્શકોમાં પહેલેથી જ અદભુત ઉત્સુકતા હતી. જે દર્શકો સિનેમાઘર સુધી પહોંચી શક્યા નથી અથવા ફિલ્મ સિનેમાઘરોમાં નિહાળ્યા બાદ તેને ઘરે બેઠા ફરીથી માણવા માંગે છે, તેમના માટે નિર્માતાઓ દ્વારા એક મોટું સરપ્રાઈઝ સામે આવ્યું છે, જેનાથી ફેસમાં આનંદની લાગણી ફેલાઈ ગઈ છે.

આ ફિલ્મની સ્ટારકાસ્ટ અને ભવ્યતાની વાત કરીએ તો, નિતેશ તિવારીના દિગ્દર્શનમાં બનેલી આ ફિલ્મમાં રણબીર કપૂર મુખ્ય ભૂમિકામાં છે, જ્યારે સાઈ પલ્લવી માતા સીતાના રોલમાં અને સાઉથના સુપરસ્ટાર યશ ખલનાયક એટલે કે રાવણના રોલમાં નજરે પડી રહ્યા છે. ફિલ્મ રિલીઝ થયા બાદ સોશિયલ મીડિયા પર તેના કલાકારોના શાનદાર અભિનય, અદભુત વિઝ્યુઅલ ઇફેક્ટ્સ અને કર્ણપ્રિય સંગીતને લઈને ચર્ચાઓનું બજાર ગરમ છે. ભારતીય સિનેમા જગતમાં આ ફિલ્મને અત્યાર સુધીની સૌથી મોટી પૌરાણિક ગાથા તરીકે જોવામાં આવી રહી છે.

સૌથી મોટો સવાલ એ હતો કે સિનેમાઘરોની સફળ થિયેટ્રિકલ રન બાદ આ ફિલ્મ કયા ઓટીટી પ્લેટફોર્મ પર દર્શકોના ઘરે પહોંચશે? પ્રાપ્ત વિગતો અનુસાર, ખુદ ફિલ્મના ક્રેડિટ સીનમાં જ તેના ઓટીટી પ્લેટફોર્મ અંગેની સત્તાવાર માહિતી આપી દેવામાં આવી છે. જો કે, ફિલ્મની ઓટીટી રિલીઝની ચોક્કસ તારીખ હજુ સુધી જાહેર કરવામાં આવી નથી, જેના કારણે દર્શકોએ થોડી રાહ જોવી પડી શકે છે, પરંતુ પ્લેટફોર્મનું નામ નક્કી થઈ જવાથી ફેન્સમાં રાહત જોવા મળી રહી છે.

પૌરાણિક કથાઓ અને આધુનિક ટેકનોલોજીના સમન્વયથી બનેલી આ ફિલ્મ વિદેશી બજારોમાં પણ ભારે લોકપ્રિયતા મેળવી રહી છે. ફિલ્મના નિર્માતાઓએ તેના ડિજિટલ રાઇટ્સ માટે અગ્રણી સ્ટ્રીમિંગ પ્લેટફોર્મ્સ સાથે મોટીડીલ ફાઇનલ કરી છે, જેના કારણે સિનેમાઘરો બાદ વૈશ્વિક સ્તરે કરોડો દર્શકો એકસાથે આ ભવ્ય દ્રશ્યોનો આનંદ ઘરે બેઠા માણી શકશે.

ભૂતકાળમાં રામાયણની કહાની પર બનેલી ટેલિવિઝન સિરિયલોએ ઇતિહાસ રચ્યો હતો, પરંતુ મોટા પડદા પર આ સ્કેલ પર બનેલી આ પહેલી જ ભવ્ય સિનેમા કલાકૃતિ છે. થિયેટરના સફળ પ્રદર્શન બાદ હવે ડિજિટલ પ્લેટફોર્મ પર તેના આગમનને કારણે ફિલ્મની પહોંચ વધુ વ્યાપક બનશે અને યુવા પેઢી સુધી ભારતીય સંસ્કૃતિનો આ ઇતિહાસ વધુ મજબૂતીથી પહોંચી શકશે.

આગામી સમયમાં નિર્માતાઓ દ્વારા ઓટીટી રિલીઝની સત્તાવાર તારીખની ઘોષણા કરવામાં આવશે તેવી અપેક્ષા છે. હાલ તો સિનેમાઘરોમાં દર્શકોની ભીડ અને ફિલ્મને મળી રહેલો અભૂતપૂર્વ પ્રતિસાદ એ વાતની સાક્ષી પૂરે છે કે આ ફિલ્મ બોલિવૂડના તમામ પાછલા રેકોર્ડ તોડવા માટે મજબૂત સ્થિતિમાં છે, અને ઓટીટી પર આવ્યા બાદ તેની લોકપ્રિયતામાં વધુ વધારો થશે.