વિદ્યુત જામવાલે ‘સ્ટ્રીટ ફાઇટર'ના ઈવેન્ટમાં ૧૫ મિનિટ સુધી શ્વાસ રોક્યોઃ મૌન ધ્યાન કરીને સૌને આﾍર્યચકિત કરી દીધા
હોલિવુડ ફિલ્મ ‘સ્ટ્રીટ ફાઇટર‘માં ‘ધલસિમ'નું પાત્ર ભજવવા જઈ રહ્યો છે, જે હોલિવુડમાં તેનું ડેબ્યૂ હશે
મુંબઈ,તા.૬: બોલિવૂડ અભિનેતા વિદ્યુત જામવાલે મુંબઈમાં ‘સ્ટ્રીટ ફાઇટર‘ ફિલ્મ માટેના એક કાર્યક્રમમાં ૧૫ મિનિટ સુધી શ્વાસ રોકી અને મૌન ધ્યાન કરીને સૌને આﾍર્યચકિત કરી દીધા હતા. વિદ્યુત આગામી હોલિવુડ ફિલ્મ ‘સ્ટ્રીટ ફાઇટર‘માં ‘ધલસિમ‘નું પાત્ર ભજવવા જઈ રહ્યો છે, જે હોલિવુડમાં તેનું ડેબ્યૂ હશે.
‘સ્ટ્રીટ ફાઇટર‘ વીડિયો ગેમ ફ્રેન્ચાઇઝીનું પાત્ર ‘ધલસિમ‘ તેના લવચીક શરીર, રહસ્યમય શક્તિઓ, મોઢામાંથી આગ કાઢવાની ક્ષમતા અને યોગમાં નિપુણતા માટે જાણીતું છે. યોગ, કલારીપયટ્ટુ અને ઍક્શન સીન માટે વિદ્યુત આ ભૂમિકા માટે ખૂબ જ યોગ્ય છે એવું લાગી રહ્યું છે. કાર્યક્રમ દરમિયાન, વિદ્યુતે સ્ટેજ પર ધલસિમના વેશમાં આવેલા કોસપ્લેયર્સ સાથે ૧૫ મિનિટ સુધી ધ્યાન કર્યું. આ દરમિયાન તેની આંખો ખુલ્લી રહી; તેના પગ સહેજ ધ્રૂજવા લાગ્યા અને આંખોમાં આંસુ આવી ગયા.
ધ્યાન પૂર્ણ કર્યા પછી, વિદ્યુતે સમજાવ્યું કે તેમણે પતંજલિ યોગ સૂત્રોની એક વિશિષ્ટ તકનીકનો ઉપયોગ કર્યો હતો, જેનાથી તે ૧૫ મિનિટ સુધી શ્વાસ રોકી શક્યો. તે યુવાનોને પણ આ તકનીક શીખવે છે. યુવાનોને સંબોધતા તેણે કહ્યું, હું યુવા પેઢીને એક વાત કહેવા માગુ છું: બસ એક ક્ષણ માટે થોભી જાઓ. ‘તે કેવી રીતે મળે છે?‘ મને ખબર નથી કે મને તે કેવી રીતે મળ્યું, પરંતુ તે એટલા માટે થયું કારણ કે હું સ્થિર ઊભો રહ્યો. આપણે બધાને દોડધામ કરતા જોઈએ છીએ - એવું વિચારીને કે આ કરવાનું છે, તે કરવાનું છે - પરંતુ ક્યારેક તમારે કંઈ કરવાની જરૂર હોતી નથી; બસ થોભો, એક ક્ષણ માટે અટકી જાઓ. તે સ્કિલ્સ તમને ખરેખર ખૂબ આગળ લઈ જશે. હું તમને આ જ કહી શકું છું; આ જોવા બદલ તમારો આભાર.ઙ્ઘ
વિદ્યુતે ઉલ્લેખ કર્યો કે બાળપણમાં તે વીડિયો ગેમ્સ રમતો ન હતો કારણ કે તે સ્પોર્ટ્સમાં વ્યસ્ત રહેતો હતો. તેણે જણાવ્યું કે આ જ કારણસર તેને આ ભૂમિકા મળી અને તે ‘૫૦ સેન્ટ‘ તથા ષ્ષ્ચ્ રેસલર્સ જેવા દિગ્ગજોની વચ્ચે કામ કરી શક્યો. બોલિવૂડ અને હોલિવુડ વચ્ચેના તફાવત વિશે વાત કરતા તેણે કહ્યું, ત્યાંના લોકો ઓવરટાઇમ કામ કરવા તૈયાર હોય છે કારણ કે તેમને કામની દરેક વધારાની મિનિટ માટે મહેનતાણું મળે છે. હોલિવુડમાં, સૌથી મોટો સ્ટાર હોયભલે તે જેસન મોમોઆ હોય કે અન્ય કોઈતે પણ સમયસર સેટ પર પહોંચે છે. સેટ પરના તમામ ૩૦૦ લોકો આ શિસ્તનું પાલન કરે છે. જો તમને એક મિનિટ પણ મોડું થાય, તો પ્રોડક્શન ટીમ તરફથી ફોન આવે છે કે, ‘શું તમે ઠીક છો, કે પછી હોસ્પિટલમાં છો?‘
પેરામાઉન્ટ પિક્ચર્સના બેનર હેઠળ બનેલી, ‘સ્ટ્રીટ ફાઇટર‘ ૧૬ ઑક્ટોબર, ૨૦૨૬ના રોજ સમગ્ર ભારતમાં અંગ્રેજી, હિન્દી, તમિલ અને તેલુગુ ભાષાઓમાં રિલીઝ થવાની છે