નવી દિલ્હી : પીઢ અભિનેત્રી ઝીનત અમાન અને યુવા અભિનેતા ઇશાન ખટ્ટર અભિનીત ચર્ચિત વેબ સિરીઝ 'ધ રોયલ્સ સીઝન 2' ને લઈને એક મોટો અને ચોંકાવનારો ખુલાસો સામે આવ્યો છે. થોડા દિવસો પહેલા જ ઇશાને ઇન્સ્ટાગ્રામ દ્વારા આ લોકપ્રિય શોની બીજી સીઝનનું શૂટિંગ શરૂ થઈ ગયાની સત્તાવાર જાહેરાત કરી હતી, પરંતુ હવે એવા અહેવાલો વહેતા થયા છે કે શૂટિંગની શરૂઆત બાદ જ ડિરેક્ટરના શેડ્યૂલની અડચણોને કારણે આ શોનું શૂટિંગ અસ્થાયી રૂપે અટકી ગયું છે.

ઘટનાની વિગતવાર માહિતી મુજબ, 'ધ રોયલ્સ' ની પ્રથમ સીઝનનું સહ-દિગ્દર્શન નુપુર અસ્થાના અને પ્રિયંકા ઘોષ દ્વારા સંયુક્ત રીતે કરવામાં આવ્યું હતું. ત્યારબાદ, જ્યારે આ સિરીઝની બીજી સીઝનની તૈયારીઓ શરૂ થઈ ત્યારે તેનું દિગ્દર્શન 'ડાર્લિંગ્સ' ફિલ્મના ખ્યાતનામ ડિરેક્ટર જસમીત કે રીન સાથે નિત્યા મેહરાને સોંપવામાં આવ્યું હતું, જેને લઈને ફેન્સમાં ભારે ઉત્સાહ જોવા મળ્યો હતો.

આ પ્રોજેક્ટ સાથે જોડાયેલા સૂત્રોના જણાવ્યા અનુસાર, શૂટિંગ પૂરઝશમાં ચાલી રહ્યું હતું તે દરમિયાન જ દિગ્દર્શકના સમયપત્રક અને અન્ય વ્યાવસાયિક વ્યસ્તતાઓને કારણે ડેટ્સનો ગંભીર પ્રશ્ન ઉભો થયો હતો. આ અનિવાર્ય સંજોગો અને શેડ્યૂલની અસંગતતાના કારણે નિર્દેશકને અધવચ્ચેથી જ આ વેબ સિરીઝનો સાથ છોડવો પડ્યો છે, જેના પરિણામે મેકર્સ સામે નવો પડકાર ઊભો થયો છે.

મૂળભૂત રીતે ઓટીટી પ્લેટફોર્મ પર ધમાકેદાર એન્ટ્રી કરનાર આ સિરીઝની પ્રથમ સીઝનને દર્શકો તરફથીબરડ સારો પ્રતિસાદ મળ્યો હતો, જેના કારણે બીજી સીઝન પાસેથી અપેક્ષાઓ ઘણી ઊંચી છે. હાલમાં આ અચાનક ઊભી થયેલી મુશ્કેલી બાદ નિર્માણ સંસ્થા દ્વારા આગામી સમયમાં નવા દિગ્દર્શકની પસંદગી કરવા માટેની સત્તાવાર જાહેરાત કરવામાં આવશે અને શૂટિંગને ફરીથી રાબેતા મુજબ ધમધમતું કરવા માટે યોગ્ય પગલાં લેવામાં આવશે તેવી પૂરી સંભાવના છે.