અમદાવાદ : મહિનાઓ સુધી ચાલેલી ઉગ્ર બહસો, ભાવનાત્મક ક્ષણો અને હાઇ-વોલ્ટેજ ડ્રામા બાદ રિયાલિટી શો 'લોક અપ' સીઝન ૨ ને તેનો વિજેતા મળી ગયો છે. સોશિયલ મીડિયા ઇન્ફ્લુએન્સર શ્રેયા કાલરાએ આ સીઝનની ટ્રોફી પોતાના નામે કરી લીધી છે. શ્રેયાએ ફાઇનલમાં કાંટાની ટક્કરમાં શિવાંગી જોશીને માત્ર ૭ મતોના તફાવતથી હરાવીને આ જીત મેળવી છે.

વિજેતા બનવા બદલ શ્રેયા કાલરાને શો તરફથી ૧ કરોડ રૂપિયાની રોકડ ઇનામી રકમ અને ઝળહળતી ટ્રોફી એનાયત કરવામાં આવી છે.

સમગ્ર સીઝન દરમિયાન મુશ્કેલ ટાસ્ક, અચાનક બનેલા ગ્રૂપિંગ્સ અને તીખી તકરારો વચ્ચે શ્રેયાએ દર્શકોનું દિલ જીતીને પોતાની મજબૂત ગેમ સાબિત કરી બતાવી હતી. ફાઇનલ રૅસમાં શિવાંગી જોશી ઉપરાંત રામ કપોર, શિલ્પા શિંદે અને યોગેશ રાવત જેવા પ્રબળ દાવેદારો સામે પણ તેણે જીત હાંસલ કરી હતી.