મુંબઈ : બોલિવુડના સૌથી પ્રખ્યાત અને પ્રભાવશાળી ફિલ્મમેકર્સમાંના એક એવા કરણ જોહર આજે તેમનો 54મો જન્મદિવસ ઉજવી રહ્યા છે. હિન્દી સિનેમામાં અનેક દિગ્દર્શકોએ અસંખ્ય ફિલ્મો બનાવી હશે, પરંતુ કરણ જોહરે ઓછી ફિલ્મો આપીને પણ ઈન્ડસ્ટ્રીમાં એક મોટું નામ અને બ્રાન્ડ સ્થાપિત કરી છે. આશ્ચર્યની વાત એ છે કે, પોતાના 29 વર્ષના લાંબા કરિયરમાં તેમણે માત્ર 7 ફિલ્મોનું ડાયરેક્શન કર્યું છે, છતાં તેઓ ભારતના સૌથી અમીર નિર્દેશકોની યાદીમાં ટોચ પર છે.

પ્રખ્યાત ફિલ્મ પ્રોડ્યુસર યશ જોહર અને હીરુ જોહરના પુત્ર કરણ જોહરે પોતાના કરિયરની શરૂઆત આદિત્ય ચોપરાની સુપરહિટ ફિલ્મ 'દિલવાલે દુલ્હનિયા લે જાયેંગે' માં આસિસ્ટન્ટ ડાયરેક્ટર તરીકે કરી હતી. ત્યારબાદ, વર્ષ 1998માં તેમણે મુખ્ય નિર્દેશક તરીકે કદમ રાખ્યો અને 'કુછ કુછ હોતા હૈ' જેવી ઓલ-ટાઇમ બ્લોકબસ્ટર ફિલ્મ આપી. આ એક જ ફિલ્મે હિન્દી સિનેમામાં રોમાન્સ અને ગ્લેમરની વ્યાખ્યા બદલી નાખી.

રિપોર્ટ અનુસાર, કરણ જોહરની કુલ સંપત્તિ આશરે 1,740 કરોડ રૂપિયા છે. આ આંકડો એટલો મોટો છે કે ભારતના અન્ય દિગ્ગજ ડાયરેક્ટર્સ પણ આ મામલે તેમની આસપાસ દેખાતા નથી. તેમની કમાણીના મુખ્ય સ્ત્રોત નીચે મુજબ છે:

ધર્મા પ્રોડક્શન્સ: કરણ જોહર આ સફળ પ્રોડક્શન હાઉસના માલિક છે, જેના બેનર હેઠળ બનતી દરેક ફિલ્મ બોક્સ ઓફિસ પર કરોડોની કમાણી કરે છે.

બ્રાન્ડ એન્ડોર્સમેન્ટ અને શોર્સ: તેઓ કોઈ પણ બ્રાન્ડની જાહેરાત માટે આશરે ₹2 કરોડ ફી વસૂલે છે. આ સિવાય, ટીવી રિયાલિટી શોના એક એપિસોડ માટે તેઓ ₹1 થી ₹2 કરોડ ચાર્જ કરે છે.

વ્યવસાય: ફિલ્મ ઉદ્યોગ ઉપરાંત, કરણ જોહર 'ત્યાની' નામની જાણીતી જ્વેલરી બ્રાન્ડના પણ માલિક છે.

કરણ જોહર વૈભવી જીવન જીવવા માટે જાણીતા છે. તેમની પાસે ₹32 કરોડનું આલીશાન ઘર છે અને તેઓ લક્ઝરી કારના પણ ભારે શોખીન છે, જેમાં તેમની પાસે ₹3.44 કરોડની કિંમતી ગાડીઓનું કલેક્શન છે. માત્ર સાત ફિલ્મોના નિર્દેશનથી આટલું મોટું સામ્રાજ્ય ઊભું કરનાર કરણ જોહર ખરા અર્થમાં બોલિવુડના 'કિંગમેકર' ગણાય છે.