મુંબઈ,તા.૭: મનોજ બાજપેયીની આગામી ફિલ્‍મ 'ગવર્નર'નું ટીઝર આજે રિલીઝ થયું. આ ફિલ્‍મ ૧૯૯૦ના દાયકાના ભારતના સૌથી મોટા આર્થિક સંકટ પર આધારિત છે. મનોજ બાજપેયી ફિલ્‍મમાં રિઝર્વ બેંક ઓફ ઈન્‍ડિયા (RBI)ના ગવર્નરની ભૂમિકા ભજવે છે. તેમનું પાત્ર તત્‍કાલીન RBI ગવર્નર એસ. વેંકટરામનના જીવનથી પ્રેરિત છે.

ધ સાયલન્‍ટ સેવિયર 'ગવર્નર' મનોજ બાજપેયીના જન્‍મદિવસ પર તેનું પોસ્‍ટર રિલીઝ થયું ત્‍યારથી જ તે ખૂબ જ ચર્ચામાં છે. હવે, નિર્માતાઓએ એક શક્‍તિશાળી ટીઝર રિલીઝ કર્યું છે, જે ખૂબ જ રસપ્રદ લાગે છે. આ ફિલ્‍મ સાચી ઘટનાઓ પર આધારિત છે અને ૧૯૯૦ના દાયકામાં ભારતના સૌથી મોટા આર્થિક મંદીની વાર્તા કહે છે.

આ ફિલ્‍મમાં મનોજ બાજપેયી પહેલી વાર આરબીઆઈ ગવર્નરની ભૂમિકામાં જોવા મળશે. આ ટીઝરમાં ૧૯૯૦ના દાયકાની વાર્તા દર્શાવવામાં આવી છે, જ્‍યારે દેશ આર્થિક સંકટમાં ફસાયો હતો. ત્‍યારબાદ આરબીઆઈ ગવર્નર એક શાંત તારણહારની ભૂમિકા ભજવે છે અને દેશને આ આર્થિક સંકટમાંથી બચાવે છે.

આ ટીઝરમાં મનોજ બાજપેયી, અદા શર્મા અને ફિલ્‍મના બાકીના કલાકારો પણ છે. મનોજ બાજપેયીની ઙ્કગવર્નરઙ્ઘ ૧૨ જૂને સિનેમાઘરોમાં રિલીઝ થવાની છે.

ધ કેરળ સ્‍ટોરીના નિર્માતાઓ દ્વારા નિર્મિત, ગવર્નર મરાઠી સિનેમાના પાવરહાઉસ ચિન્‍મય માંડલેકર દ્વારા દિગ્‍દર્શિત છે. આ ફિલ્‍મમાં મનોજ બાજપેયી સાથે અદા શર્મા મુખ્‍ય ભૂમિકામાં છે. આ ફિલ્‍મ સુવેન્‍દુ ભટ્ટાચાર્ય, સૌરભ ભરત, રવિ અસરાની અને વિપુલ અમૃતલાલ શાહ દ્વારા લખવામાં આવી છે. આ ફિલ્‍મમાં જાવેદ અખ્‍તરના ગીતો અને અમિત ત્રિવેદીનું સંગીત છે