મુંબઈ:બોલિવૂડ અભિનેત્રી દિશા પટણી ફરી એકવાર પોતાની પર્સનલ લાઈફને લઈને ચર્ચામાં છે. આ વખતે તેનું નામ કોઈ અભિનેતા સાથે નહીં, પરંતુ મશહૂર પંજાબી ગાયક તલવિંદર સાથે જોડાયું છે. નુપુર સેનન અને સ્ટેબિન બેનના લગ્ન પ્રસંગે જ્યારે આ બંને એકબીજાના હાથમાં હાથ નાખીને જોવા મળ્યા, ત્યારથી જ સોશિયલ મીડિયા પર તેમના ડેટિંગની અફવાઓ જંગલની આગની જેમ ફેલાઈ ગઈ છે. હવે આ મામલે ખુદ તલવિંદરે મૌન તોડ્યું છે.
તાજેતરમાં એક ઇન્ટરવ્યુમાં તલવિંદરે દિશા સાથેના તેના સંબંધો વિશે ખુલીને વાત કરી હતી. તેણે સ્વીકાર્યું કે તેઓ એકબીજાને ઓળખવા અને સમજવાનો પ્રયાસ કરી રહ્યા છે. અચાનક મીડિયામાં આવેલી ડેટિંગની અફવાઓથી બંને આશ્ચર્યચકિત થઈ ગયા હતા. તલવિંદરે કહ્યું, "અમે હજુ એકબીજાને સમજી રહ્યા છીએ અને હાલમાં આ સંબંધને કોઈ નામ આપવા માંગતા નથી." જ્યારે તેને પ્રેમ વિશે પૂછવામાં આવ્યું, ત્યારે તેણે રમૂજી અંદાજમાં કહ્યું, "હું તો દરરોજ પ્રેમમાં પડું છું, એટલે અત્યારે પણ હું પ્રેમમાં પડી રહ્યો છું."
માત્ર લગ્ન પ્રસંગો જ નહીં, પણ તાજેતરમાં મુંબઈમાં યોજાયેલા ‘લોલાપાલૂઝા ઇન્ડિયા 2026’ મ્યુઝિક ફેસ્ટિવલમાં પણ આ જોડી આકર્ષણનું કેન્દ્ર બની હતી. હજારોની મેદની વચ્ચે દિશા અને તલવિંદર એકબીજાનો હાથ પકડીને ચાલતા જોવા મળ્યા હતા, જેના વીડિયો સોશિયલ મીડિયા પર વાયરલ થયા છે. આ દ્રશ્યોએ ચાહકોને ખાતરી અપાવી દીધી છે કે તેમની વચ્ચે મિત્રતા કરતા કંઈક વિશેષ ચોક્કસ છે.
લવિંદરે અફવાઓ ફેલાવનારાઓને રોકવાને બદલે કહ્યું કે, "જો લોકોને અફવાઓ ફેલાવવી ગમતી હોય તો હું તેમને રોકીશ નહીં." ગાયકની આ વાતો અને દિશા પટણી સાથેની તેની નિકટતા સૂચવે છે કે બોલિવૂડ અને પંજાબી મ્યુઝિક ઇન્ડસ્ટ્રીનું આ નવું ‘પાવર કપલ’ ટૂંક સમયમાં કોઈ મોટી જાહેરાત કરી શકે છે.
સોશિયલ મીડિયાના હોટ ટોપિક્સ:
પહેલી મુલાકાત: નુપુર સેનન-સ્ટેબિન બેનના લગ્ન પહેલાના ફંક્શનમાં.
વાયરલ ક્ષણો: લોલાપાલૂઝા 2026 માં પબ્લિકલી હાથ પકડીને ફરવું.
તલવિંદરનું સ્ટેટસ: "રિલેશનશિપને અત્યારે કોઈ નામ આપવું નથી."
દિશાનું વલણ: અભિનેત્રીએ હજુ સુધી સત્તાવાર રીતે કોઈ ટિપ્પણી કરી નથી.