મુંબઈ : બોલિવૂડની 'દેશી ગર્લ' અને ગ્લોબલ સ્ટાર પ્રિયંકા ચોપરા છેલ્લા છ વર્ષથી બોલિવૂડથી દૂર હોવા છતાં, આજે પણ સંપત્તિના મામલે ટોચની ભારતીય અભિનેત્રીઓમાં અગ્રેસર છે. તાજેતરના મીડિયા રિપોર્ટ્સ અનુસાર, પ્રિયંકા ચોપરાએ અભિનેત્રીઓ દીપિકા પાદુકોણ અને આલિયા ભટ્ટ ને કુલ સંપત્તિમાં પાછળ છોડી દીધી છે.

પ્રિયંકા ચોપરાની કુલ સંપત્તિ આશરે ₹૬૫૦ કરોડ છે, જ્યારે દીપિકા પાદુકોણની સંપત્તિ ₹૫૦૦ કરોડ અને આલિયા ભટ્ટની સંપત્તિ ₹૫૫૦ કરોડ આંકવામાં આવી છે.

ગ્લોબલ કરિયર અને વાપસી: પ્રિયંકા ચોપરાએ ૨૦૦૨ માં તમિલ ફિલ્મ 'થમિઝાન' થી તેની અભિનય કારકિર્દીની શરૂઆત કરી અને ૨૦૦૩ માં 'ધ હીરો: લવ સ્ટોરી ઓફ અ સ્પાય' થી બોલિવૂડમાં પ્રવેશ કર્યો. ૨૨ વર્ષની કારકિર્દીમાં 'ડોન ૨', 'ક્રિશ ૩', 'બરફી!' અને 'બાજીરાવ મસ્તાની' જેવી અનેક હિટ ફિલ્મો આપી છે.

વાપસી: પ્રિયંકા ચોપરા ૬ વર્ષ પછી ભારતીય ફિલ્મ ઉદ્યોગમાં વાપસી કરવા માટે ચર્ચામાં છે. મહેશ બાબુ અભિનીત તેની આગામી ફિલ્મ 'ગ્લોબેટ્રોટર' માં તે 'મંદાકિની' ની ભૂમિકામાં જોવા મળશે, જેનો પહેલો લુક રિલીઝ કરવામાં આવ્યો છે.

કામના મોરચે, અભિનેત્રી આગામી હોલીવુડ ફિલ્મો 'ધ બ્લફ' અને 'જજમેન્ટ ડે' માં જોવા મળશે, ઉપરાંત હોલીવુડ શ્રેણી 'સિટાડેલ ૨' માં પણ કામ કરી રહી છે. તે 'ક્રિશ ૪' માં પણ જોવા મળી શકે છે.