અજય દેવગન અને રોહિત શેટ્ટી ફરી લાવશે ‘ગોલમાલ'
ગોલમાલ ૫ની સ્ક્રિપ્ટ નવા લેખકો લખી રહ્યા છે, તે સપ્ટેમ્બર ૨૦૨૫ સુધીમાં ફાઇનલ થઈ જશે : ૨૦૨૬માં રોહિત અર્શદ વારસી, તુષાર કપૂર, કુનાલ કેમુ, શ્રેયસ તળપદે અને જ્હોની લિવર સાથે રિલીઝ કરશે ‘ગોલમાલ ૫' શરૂ કરશે
મુંબઇ તા.૧૭: અજય દેવગન અને રોહિત શેટ્ટીની જોડી સાથે મળે એટલે દર્શકોને એક બ્લોક બસ્ટર ફિલ્મની જ અપેક્ષા હોય છે. આ વર્ષોમાં તેમણે ‘ઝમીન', ‘ગોલમાલ', ‘સંડે', ‘ઓલ ધ બેસ્ટ', ‘ગોલમાલ રીટર્ન્સ', ‘ગોલમાલ ૩', ‘સિંઘમ', ‘બોલ બચ્ચન', ‘સિંઘમ રીટર્ન્સ', ‘સિમ્બા', ‘ગોલમાલ અગેઇન', ‘સૂર્યવંશી' અને ‘સિંઘમ અગેઇન' સહીત તેમણે ૧૨થી વધારે ફિલ્મમાં સાથે કામ કર્યું છે.
ઇન્ડિયન સિનેમામાં આ જોડી એટલે બ્લોક બસ્ટર ફિલ્મના વચન જેવી છે. હવે તેઓ ૧૪મી વખત એક સાથે કામ કરી રહ્યા છે અને રોહિત શેટ્ટી ફરી એક વખત તેમની કોમેડી ફ્રેન્ચાઇઝી ‘ગોલમાલ'ની પાંચમી ફિલ્મ સાથે આવશે.
સુત્રોના જણાવ્યા અનુસાર, ‘‘રોહિત શેટ્ટી હાલ જોﾎ અબ્રાહમ સાથે રાકેશ મારીયાની બાયોપિક પર મુંબઇમાં કામ કરી રહ્યો છે. આ ફિલ્મનું કામ સપ્ટેમ્બર ૨૦૨૫માં શરૂ થશે. તેની ઇચ્છા આ વર્ષના અંત સુધીમાં ફિલ્મનું એડિટનું કામ પણ પૂરું કરી લેશે. જેવું રાકેશ મારીયાની બાયોપિકનું કામ પૂરું થશે. પછી તરત જ ગોલમાલની તૈયારીઓ શરૂ થઈ જશે. આ ફેબ્રુઆરી કે માર્ચ ૨૦૨૬માં આ ફિલ્મનું કામ શરૂ થઈ જાય એવી શકયતા છે. હાલ આ આ ફિલ્મની સ્ક્રિપ્ટનું કામ શરૂ થઈ ચૂકયું છે.''
સુત્રએ વધુમાં જણાવ્યું, ‘‘ગોલમાલ ૫ની સ્ક્રિપ્ટ નવા લેખકો લખી રહ્યા છે, તે સપ્ટેમ્બર ૨૦૨૫ સુધીમાં ફાઇનલ થઈ જશે. પછી માત્ર તેના ડાયલોગ અને આખરી ઓપ આપવાનું જ કામ બાકી રહેશે.'' મજાની વાત એ છે કે આ ફિલ્મમાં ફરી વખત અજય દેવગન, અર્શદ વારસી, તુષાર કપૂર, કુનાલ કેમુ, શ્રેયસ તળપદે અને જ્હોની લીવર ફરી જોવા મળશે. ઇન્ડિયન સિનેમામાં આ કોમેડી ફિલ્મની ફ્રેન્ચાઇઝી ઘણી લોકપ્રિય છે અને ૨૦૨૭ની શરૂઆતમાં જ ફિલ્મ રિલીઝ થઈ જાય એવી શકયતા છે.
‘ગોલમાલ ૫'નું શૂટિંગ શરૂ થાય એ પહેલાં અજય દેવગન ‘રેન્જર', ‘ટોટલ ધમાલ', અને ‘દૃશ્યમ ૨'નું કામ પૂરું કરશે. તે સિવાય પણ કેટલીક ફિલ્મ માટેની તેની વાટાઘાટો ચાલી રહી છે. સૌથી પહેલાં તેની ‘સન ઓફ સરદાર ૨' રિલીઝ થવાની છે. આવતા દસેક દિવસોમાં તેનું માર્કેટિંગ અને પ્રમોશન શરૂ થઈ જાય એવી શકયતા છે.(૩૮.૫)