મુંબઇ: તેલુગુ સુપરસ્ટાર અલ્લુ અર્જુન અને દિગ્દર્શક એટલીની અનટાઇટલ્ડ ફિલ્મ ‘AA22XA6’ અંગે એક મોટી અપડેટ સામે આવી છે. આ ફિલ્મમાં બોલિવૂડ અભિનેત્રી દીપિકા પાદુકોણ પણ જોવા મળશે. ફિલ્મની ટીમે શનિવારે આ માહિતી આપી.ફિલ્મની પ્રોડક્શન કંપની સન પિક્ચર્સે સોશિયલ મીડિયા પ્લેટફોર્મ X પર લખ્યું, “વિજયના માર્ગ પર કૂચ કરતી રાણી. દીપિકા પાદુકોણનું સ્વાગત છે.” નિર્માતાઓએ X પોસ્ટ પર એક વીડિયો શેર કર્યો છે, જેમાં દિગ્દર્શક એટલી અને દીપિકા પાદુકોણ સોફા પર બેઠા જોવા મળે છે. આ દરમિયાન એટલી તેને તેની ફિલ્મની વાર્તા કહે છે. વીડિયોમાં દીપિકાના કેટલાક ‘મોશન કેપ્ચર’ની ઝલક પણ છે, જેને જોઈને અનુમાન લગાવવામાં આવી રહ્યું છે કે તે ફિલ્મમાં રાણીની ભૂમિકા ભજવશે, જે ઘોડા પર સવારી કરે છે અને તલવારબાજીમાં નિષ્ણાત છે. તાજેતરમાં, સન પિક્ચર્સે આ ફિલ્મ વિશે એક જાહેરાત વીડિયો બહાર પાડ્યો. તે વીડિયોમાં, ઘણા નિષ્ણાતોએ ફિલ્મની વાર્તા કેવી ગમી તે અંગે પોતાનો અભિપ્રાય આપ્યો.