નવી દિલ્હી તા.૧૭ : પ્રયાગરાજના મહાકુંભમાં પોતાની મોટી અને ભુરી આંખોના કારણે ચર્ચામાં આવેલી મોનાલિસા હવે એકટ્રેસ બનવા જઈ રહી છે. મોનાલિસાએ તેના પહેલા ગીતનું શૂટિંગ પણ શરૂ કરી દીધું છે. તેણે તેની કેટલીક તસવીરો સોશિયલ મીડિયા પર શેર કરી છે. જે વાયરલ થઈ રહી છે.

મોનાલિસા ગાયક ઉત્કર્ષ સિંહ સાથે એક મ્યુઝિક વીડિયો બનાવી રહી છે. આ આલ્બમમાંથી તેમનો પહેલો લુક હવે બહાર આવ્યો છે. ઉત્કર્ષ અને મોનાલિસાએ તેમના ઇન્સ્ટાગ્રામ એકાઉન્ટ પર કેટલીક તસવીરો શેર કરી છે. આ તસવીરોમાં બંને શૂટિંગ કરતા જોવા મળ્યા હતા. બંનેએ સફેદ કપડાં પહેર્યા હતા. તસવીરો શેર કરતી વખતે લખ્યું હતું કે, "જોતા રહો! અમારા આગામી ટ્રેકનો પહેલો લુક આવવાનો છે."

મોનાલિસા તસવીરોમાં સફેદ રંગનુ સૂટ પહેરેલી જોવા મળી રહી છે. મોનાલિસા તેની કજરાવાળી આંખો, ખુલ્લા સ્ટેટ વાળ, કપાળ પર બિંદી અને કાનમાં મોટી બુટ્ટીઓ સાથે ખૂબ જ સુંદર લાગે છે. મોનાલિસાનો લુક જોઈને ચાહકો પણ તેના દિવાના થઈ ગયા છે. આ સાથે, લોકો કોમેન્ટ સેક્શનમાં તેમના જોરદાર વખાણ કરી રહ્યા છે. તમને જણાવી દઈએ કે આ ગીત એક રોમેન્ટિક ટ્રેક હશે.

તેમના મ્યુઝિક વીડિયો વિશે માહિતી આપતી વખતે, મોનાલિસા અને ઉત્કર્ષે કહ્યું હતું કે, 'નમસ્તે મિત્રો, અમે એક મ્યુઝિક વીડિયો લાવી રહ્યા છીએ. કૃપા કરીને અમને ખૂબ પ્રેમ આપો. ઉત્કર્ષ સિંહે કહ્યું, હું ઈચ્છું છું કે તમે તેને ખૂબ પ્રેમ આપો. આ મોનાલિસાનો પહેલો મ્યુઝિક વિડીયો છે અને અમે તેને ખૂબ જ ટૂંક સમયમાં શૂટ કરવાના છીએ. અપડેટ્સ માટે જોડાયેલા રહો. આભાર."