<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" /> dasdasd
News of Thursday, 11th July 2024

હૈદરાબાદ પોલીસે તેલુગુ અભિનેતા રાજ તરુણ વિરુદ્ધ છેતરપિંડીનો કેસ દાખલ

મુંબઈ: તેલુગુ એક્ટર રાજ તરુણ મુશ્કેલીમાં હોય તેમ લાગી રહ્યું છે. હૈદરાબાદ પોલીસે મહિલાની ફરિયાદ પર તેની સામે કેસ નોંધ્યો છે. લાવણ્યા નામની મહિલાએ અભિનેતા વિરુદ્ધ સાયબરાબાદ પોલીસ કમિશનરેટના નરસિંગી પોલીસ સ્ટેશનમાં ફરિયાદ નોંધાવી છે.પોલીસે રાજ તરુણ સામે છેતરપિંડી અને ફોજદારી ધાકધમકીનો ગુનો નોંધી તપાસ શરૂ કરી છે.ગયા અઠવાડિયે નોંધાવવામાં આવેલી તેણીની ફરિયાદમાં, લાવણ્યાએ આરોપ મૂક્યો હતો કે રાજ તરુણ તેની સાથે સંબંધમાં હતો, પરંતુ તે અભિનેત્રી માલવી મલ્હોત્રાની નજીક આવતાં તેણે તેને છોડી દીધો હતો.બીજી તરફ માલવી મલ્હોત્રાએ પણ પોલીસમાં ફરિયાદ કરી છે કે લાવણ્યા તેના ભાઈને મેસેજ કરીને અને તેના વિશે ખોટી અફવાઓ ફેલાવવાની ધમકી આપીને હેરાન કરે છે.અભિનેત્રીએ ફિલ્મ સિટી પોલીસ સ્ટેશનમાં લાવણ્યા વિરુદ્ધ ફરિયાદ નોંધાવી હતી.જો તેના કરિયર પર નજર કરીએ તો રાજ તરુણે 2013માં 'ઉય્યાલા જામપલા'થી ડેબ્યૂ કર્યું હતું. તેણે 'કુમારી 21એફ' અને 'સિનેમા છુપિસ્તા માવા' જેવી ફિલ્મોમાં કામ કર્યું છે. અભિનેતા ટૂંક સમયમાં જ ફિલ્મ 'તિરાગબદ્ર સામી'માં જોવા મળશે.પોતાના પર લાગેલા આરોપોને નકારી કાઢતા રાજ તરુણે લાવણ્યા સાથે અફેર હોવાનો ઈન્કાર કર્યો હતો. તેણે કહ્યું કે તે તેને ઓળખે છે, પરંતુ તે તેની સાથે ક્યારેય સંબંધમાં નહોતો.

 

(5:32 PM IST)