ભારતીય ટીમનો ઓલરાઉન્ડર હાર્દિક પંડ્યા પિતા બની ગયો

ફિયાન્શી નતાશા સ્ટાનકોવિચે પુત્રને જન્મ આપ્યો : ભારતીય ટીમનો ઓલરાઉન્ડર ક્રિકેટર હાર્દિકે ગુરુવારે સોશિયલ મીડિયા પર પુત્રનો હાથ પકડેલી છબી શેર કરી

અમદાવાદ, તા. ૩૦ : ટીમ ઇન્ડિયાના ઓલરાઉન્ડર હાર્દિક પંડ્યાના ઘરે આવી ખુશીની મોટી ખબર. હાર્દિક પંડ્યાની ફિયાન્સી નતાશાએ ગુરુવારે બપોરે પુત્રને જન્મ આપ્યો છે. અને આ સાથે જ હાર્દિક પિતા બની ગયા છે. પંડ્યાએ ગુરુવારે સોશિયલ મીડિયા પર પુત્રના હાથની એક તસવીર શેર કરી હતી. તસવીરમાં પંડ્યાએ પુત્રનો હાથ પકડ્યો હતો.

ઉલ્લેખનીય છે કે ૧ જાન્યુઆરી ભારતીય ક્રિકેટર હાર્દિક પંડ્યાએ બોલીવૂડની અભિનેત્રી નતાશા સ્ટાનકોવિચની સાથે સગાઇ કરી હતી. અને તે પછી પંડ્યાએ ફેન્સને નતાશાની પ્રેગનેન્સીની ખુશખબરી આપી હતી. જે પછી હવે ટીમ ઇન્ડિયાના આ ઓલરાઉન્ડર અને આપણા ગુજરાતા વડોદરા નિવાસી તેવા હાર્દિક પંડ્યાના ઘરે પુત્રના વધામણાં થયા છે. ઉલ્લેખનીય છે કે હાલમાં જ હાર્દિક પંડ્યા અને નતાશાના બેબી સાવરની રસમ કરવામાં આવી હતી. જે સમયે પહેલીવાર માતા-પિતા બનેલા હાર્દિક અને નતાશાના ચહેરો પર ખુશી સ્પષ્ટ દેખાતી હતી.

થોડા સમય પહેલા જ હાર્દિક પંડ્યાએ નતાશાને પ્રપોઝ કરવાની ફોટો સોશિયલ મીડિયા પર મૂકીને તમામ લોકોને ચોંકાવી દીધા હતા.

તે પછી હાર્દિક અને નતાશાની તસવીરો ખૂબ વાયરસ થઇ હતી. કારણ કે આ પહેલા હાર્દિક પંડ્યાનું નામ અનેક જાણીતી અભિનેત્રીઓ અને મોડેલ સાથે જોડાઇ ચૂક્યું છે. તે અને નતાશા પણ લાંબા સમયથી એકબીજાને ડેટ કરતા હતા. પણ મીડિયોમાં આ ખબર ત્યારે પાક્કી થઇ જ્યારે હાર્દિકે નતાશાને પ્રપોઝની તસવીરો શેર કરી.

જે પછી હવે આ બંને કપલ માતા-પિતા બનાવી ખુશીઓ માણી રહ્યા છે. આ વખતે પણ હાર્દિકે તેની આ ખુશી સોશિયલ મીડિયામાં શેર કરી હતી. જે પછી દુનિયાભરથી આ કપલ્સ માટે અને તેના ઘરે આવેલા નવા મહેમાન માટે લોકો શુભેચ્છા પાઠવી રહ્યા છે.