આઇપીઍલ ક્રિકેટ મેચમાં ધોનીઍ જાડેજાને કહ્ના ‘હવે હું હિન્દી બોલી શકતો નથી’ અને રવિન્દ્ર જાડેજા હસવા લાગ્યો
નવી દિલ્હી: ચેન્નઈ સુપર કિંગ્સે (CSK) રવિવારે રમાયેલી IPL મેચમાં રોયલ ચેલેન્જર્સ બેંગલોરને (RCB) 69 રનથી હરાવીને પોઇન્ટ ટેબલમાં ટોચ પર સ્થાન મેળવ્યું છે. આ મેચમાં સીએસકેના કેપ્ટન એમએસ ધોની વિકેટ પાછળથી તેના બોલરોને સલાહ આપતા અનેક વાર દેખાયા હતા.
સ્ટંપ માઈકમાં કેદ થયો ધોનીનો અવાજ
ધોની આ મેચમાં તેના બોલરોને ઘણી વાર સલાહ આપે છે, ખાસ કરીને મેચનો સ્ટાર રવિન્દ્ર જાડેજા સાથે, ધોનીએ આરસીબીના બેટ્સમેનને ખૂબ હેરાન કર્યા. હકીકતમાં, મેચની 11 મી ઓવરમાં જાડેજાએ એબી ડી વિલિયર્સને બોલ્ડ કરીને પેવેલિયન મોકલી દીધો હતો. ત્યારબાદ હર્ષલ પટેલ ક્રીઝ પર બેટિંગ કરવા આવ્યો હતો. હર્ષલ ક્રિઝ પર આવ્યાની સાથે જ ધોનીએ જાડેજાને કહ્યું, 'હવે હું હિન્દી બોલી શકતો નથી.' ધોનીનો અવાજ સ્ટમ્પ માઇકમાં કેચ થયો. સુરેશ રૈના અને મેદાનમાં હાજર જાડેજા પણ ધોનીની વાત સાંભળીને હસવા લાગ્યા.
ધોનીએ આવું કેમ કહ્યું?
ધોની જાડેજાને એટલા માટે આવું કહ્યું કારણ કે તે સમયે ગ્લેન મેક્સવેલ અને એબી ડી વિલિયર્સ ક્રીઝ પર હતા ત્યારે ધોની જાડેજાને હિન્દીમાં સમજાવી રહ્યો હતો. ધોની આ એટલા માટે કરી રહ્યો હતો કારણ કે વિદેશી ખેલાડીઓ હિન્દી સમજી શકતા નથી. પરંતુ હર્ષલ ક્રિઝ પર આવ્યાની સાથે જ ધોનીએ હિન્દીમાં વાત કરવાનો ઇનકાર કરી દીધો કારણ કે તે ભારતીય ખેલાડી છે.
જાડેજાએ દેખાડ્યો કમાલ
તમને જણાવી દઇએ કે, આ મેચમાં રવિન્દ્ર જાડેજાએ વોશિંગ્ટન સુંદર, ગ્લેન મેક્સવેલ અને એબી ડી વિલિયર્સને આઉટ કર્યો હતો. જાડેજાએ શરૂઆતમાં 28 બોલમાં ચાર ચોગ્ગા અને પાંચ છગ્ગાની મદદથી અણનમ 62 રન બનાવ્યા, જે ટી 20 માં તેનો સર્વોચ્ચ સ્કોર છે. જાડેજાએ હર્ષલ પટેલે બોલ્ડ કરેલી છેલ્લી ઓવરમાં પોતાની ઇનિંગ્સના તમામ સિક્સર ફટકારી હતી.