એશિયા કપ ક્રિકેટ મેચમાં સૌનું ધ્યાન ખેંચનાર યુવતી લાહોરની રિઝલા ખાન હોવાનું ખુલ્યુઃ ફાઇનલ મેચમાં પણ જોવા મળે તેવી સંભાવના

એશિયા કપ 2018માં ભારતે પાકિસ્તાનને બંને મેચમાં હરાવ્યું છે. ક્રિકેટના મેદાન પર બંને દેશોના ફેન્સનું દિલ ક્રિકેટ માટે જ ધડકતું હતું પરંતુ સોશિયલ મીડિયા પર દર્શકો વચ્ચે બેઠેલી એક પાકિસ્તાની યુવતીની ખૂબસુરતી પર હિંદુસ્તાન ફિદા થઈ ગયું. આ યુવતીના મીમ્સ બન્યા અને તસવીરો પણ શેર થઈ. આ મિસ્ટ્રી ગર્લ પાકિસ્તાન વર્સિઝ બાંગ્લાદેશની મેચમાં પણ જોવા મળી. દરેક વ્યક્તિ જાણવા માગે છે કે આખરે આ બ્યૂટિફૂલ મિસ્ટ્રી ગર્લ છે કોણ? તો તમારા સવાલોનો જવાબ મળી ગયો છે….

 

પાકિસ્તાનની આ ખૂબસુરત યુવતીનું નામ રિઝલા ખાન છે. રિઝલા લાહોરમાં રહે છે અને યુનિવર્સિટીમાં અભ્યાસ કરે છે. રિઝલાની સુંદરતા પાછળ ફક્ત ક્રિકેટ ફેન્સ જ નહીં કેમેરામેન પણ દિવાના થયા. એટલે જ લોકોએ સોશિયલ મીડિયા પર કેમેરામેનના પણ ખૂબ વખાણ કર્યા.

રિઝલા ખાનને શોધી કાઢવાનું કામ UAEના એક બોલિવુડ રેડિયો સ્ટેશન ‘સિટી 1016’એ કર્યું છે. રેડિયો સ્ટેશને ટ્વિટ કર્યું કે, “અમે તેને શોધી કાઢી છે અને તેનું નામ રિઝલા છે.”

નામ વિશે જાણકારી મળતા જ રિઝલાની અન્ય માહિતી પણ મળવા લાગી છે. એક વેબપોર્ટના રિપોર્ટ પ્રમાણે, રિઝલા લાહોરની રહેવાસી છે અને તેણે શાળાકીય અભ્યાસ ત્યાં જ કર્યો છે અને લાહોરની જ યુનિવર્સિટીમાં આગળ અભ્યાસ કરી રહી છે. રિઝલાની ઉંમર 20 વર્ષ છે અને તે ક્રિકેટની દિવાની છે.

જણાવી દઈએ કે ભારત એશિયા કપના ફાઈનલમાં પહોંચી ચૂક્યું છે. ફાઈનલમાં ટીમ ઈંડિયાનો મુકાબલો બાંગ્લાદેશ કે પાકિસ્તાનની ટીમ સાથે થઈ શકે છે. એવામાં ફરી એકવાર સ્ટેડિયમમાં રિઝલા જોવા મળે તો નવાઈ નહીં. સોશિયલ મીડિયા પર રિઝલાને જોઈને ઘણા ફેન્સે તો BCCIને અપીલ કરી હતી કે ભારત-પાકિસ્તાન વચ્ચે વધુમાં વધુ મેચ રાખવામાં આવે.