મિયામી ઓપન: ત્રીજા રાઉન્ડમાં અલ્કારાઝ

નવી દિલ્હી: વિશ્વના નંબર વન સ્પેનના કાર્લોસ અલ્કારાઝે મિયામી ઓપનના ત્રીજા રાઉન્ડમાં પ્રવેશ મેળવ્યો હતો જ્યારે ઇટાલીના જેનિક સિનર અને અમેરિકાના ટેલર ફ્રિટ્ઝે પણ પોતપોતાની મેચ જીતી હતી. જાપાનના ટેરો ડેનિયલએ તેનું શાનદાર ફોર્મ ચાલુ રાખ્યું અને શુક્રવારે રાત્રે બીજા રાઉન્ડમાં ભૂતપૂર્વ વિશ્વ નંબર બે એલેક્ઝાન્ડર ઝ્વેરેવને 6-0, 6-4થી હરાવી દીધો.અલ્કારાઝે માત્ર 65 મિનિટમાં ફેકુન્ડો બાગ્નિસને 6-0, 6-2થી હરાવ્યું. નોવાક જોકોવિચને રેન્કિંગમાં નંબર વન બનતા અટકાવવા અલ્કારાઝે મિયામીમાં ટ્રોફી જીતવી જરૂરી છે.ગયા વર્ષના ક્વાર્ટર ફાઇનલિસ્ટ સિનરે લાસ્લો જારેને 6-4, 6-2થી હરાવ્યો હતો. તેણે આ મેચ એક કલાક અને 24 મિનિટમાં જીતી લીધી હતી.ટેલર ફ્રિટ્ઝે દેશબંધુ એમિલિયો નાવાને 6-4, 6-1થી હરાવ્યો હતો. ફ્રિટ્ઝે 60 મિનિટમાં મેચ જીતી લીધી હતી.અન્ય મેચોમાં નોર્વેના કેસ્પર રુડે ઇલ્યા ઇવાશ્કાને 6-2, 6-3થી, આન્દ્રે રુબલેવે અમેરિકાના જેજે વોલ્ફને 7-6(3), 6-4થી અને ડેનિસ શાપોવાલોવે ગુઇડો પેલાને 6-3, 6-3થી હરાવ્યો હતો