હેપ્પી બર્થડે મોહિન્દર અમરનાથ: અનોખી રીતે આઉટ થનાર છે દુનિયાના એક માત્ર પ્રથમ ખેલાડી

નવી દિલ્હી: શું તમે જાણો છો એક દિવસીય ક્રિકેટમાં હૈંડલ્ડ ધ બોલથી આઉટ થનાર પ્રથમ ક્રિકેટર અને એકમાત્ર ભારતીય ખેલાડી કોણ હતું આ ખેલાડી ભારતને પ્રથમવાર વિશ્વ ચેમ્પિયન બનાવવામાં મહત્વપૂર્ણ ભૂમિકા નિભાવનાર મોહિન્દર અમરનાથ છે. 1983વિશ્વ કપના સેમિફાઇનલમાં અને ફાઇનલમાં મેન ઓફ ધ મેચનો પુરસ્કાર હાસિલ કરનાર મોહિન્દર અમરનાથનો આજે જન્મદિવસ છે. ક્રિકેટ પરિવારથી સંબંધ ધરાવનાર અમરનાથ આજે 69 વર્ષના થઇ રહ્યા છે.

મોહિન્દર અમરનાથનો જન્મ આજના દિવસે એટલે કે 24 સપ્ટેબર 1950ના રોજ પંજાબના પટિયાલામાં થયો હતો ક્રિકેટની દુનિયામાં જિમીના નામથી જાણીતા આ મોહિન્દર અમરનાથે લગભગ 20 વર્ષના આંતરરાષ્ટ્રીય ક્રિકેટ કેરિયરના 69 ટેસ્ટ મેચોમાં 42.50ની હેઠળ 4378 રન બનાવ્યા છે.