ભારતીય કિક્રેટર હરભજનસિંહ અત્યારે મ્યુઝીક સીંગીંગમાં મન લગાવી રહયા છે તેમનું ગીત સાંભળી મિક્કાસિંહ ટ્વીટ કર્યુ પ્લીઝ પેટ પર લાત ન મારો : જેનો જવાબ પણ હરભજને આપ્યો આ મારા બસની વાત નથી...
ભારતીય ક્રિકેટર હરભજન સિંહ અત્યારે ટીમની બહાર છે. ક્રિકેટથી દૂર હરભજન સિંહ અન્ય કામોમાં મન પરોવી રહ્યો છે. હરભજન સિંહ અત્યારે સિંગિંગમાં પ્રયત્નો કરી રહ્યો છે. હરભજન સિંહ મ્યૂઝિક અને સિંગિંગનો શોખીન છે.
તાજેતરમાં જ હરભજન સિંહે વર્લ્ડ મ્યુઝિક ડે પર પોતાનો એક વિડીયો શેર કર્યો છે. આ વિડીયોમાં હરભજન કિશોર કુમારનું 'શરાબી' ફિલ્મનું ગીત 'ઇંતહા હો ગઈ ઇંતજાર કી' ગીત ગાતો જોવા મળી રહ્યો છે. આ વિડીયો શેર કરતા હરભજને લખ્યું કે, 'સંગીત લોકોને જોડવાનું સૌથી સરળ માધ્યમ છે. કિશોર કુમારનું ગીત 'ઇંતહા હો ગઈ ઇંતજાર કી' મારુ સૌથી પ્રિય ગીત છે. મને જણાવો તમારું પસંદગીનું ગીત કયુ છે, મ્યુઝિકને ફેલાવો અને પ્રેમ ફેલાવો.'
હરભજનનાં આ ટ્વિટ પર મિકા સિંહે ટ્વીટ કર્યું કે, 'ના ભજ્જી, પ્લીઝ ના કરો, તુસ્સી ના ગાઓ યાર..આજકાલ બધા સિંગર બની રહ્યા છે, પરંતુ સમસ્યા એ છે કે અમે ક્રિકેટર નથી બની શકતા. તમે પેટ પર લાત ના મારો.' જેનો જવાબ આપતા હરભજને લખ્યું કે, 'ના ભાઇ, મારા બસની આ વાત નથી. જેનું કામ એને જ શોભે.'