ખેલ-જગત
News of Wednesday, 22nd May 2019

વર્લ્ડ કપ માટે જઇ રહેલી ભારતીય ક્રિકેટ ટીમના ખેલાડીઓએ રિલેક્સ થવા PUBG ગેમ રમવાનો આનંદ માણ્યો

નવી દિલ્હીઃ મંગળવારે રાત્રે ટીમ ઈન્ડિયા પોતાના વિશ્વ કપ મિશન પર મુંબઈથી ઈંગ્લેન્ડ રવાના થઈ ગઈ છે. 30 મેથી શરૂ થવા જઈ રહેલા ક્રિકેટ મહાકુંભમાં ટીમ ઈન્ડિયાએ ટાઇટલ જીતવાના પ્રબળ દાવેદારોના રૂપમાં એન્ટ્રી કરી છે. વિશ્વ કપ રવાના થતા પહેલા ટીમ ઈન્ડિયાના ખેલાડી જ્યારે રિલેક્સ મૂડમાં બેઠા હતા તો, મોટા ભાગના ખેલાડીઓ પોતાના ટેબલેટ પર પબજી રમતનો આનંદ માણતા જોવા મળ્યા હતા.

બીસીસીઆઈએ ખેલાડીઓની કેટલિત તસ્વીરો પોતાના સત્તાવાર ટ્વીટર એકાઉન્ટ પર પોસ્ટ કરી છે. તેમાં યુજવેન્દ્ર ચહલ, શમી, ધોની અને ભુવનેશ્વર કુમાર ઈન્ટરનેટ પર લોકપ્રિય ગેમ પબજીનો આનંદ માણી રહ્યાં છે. તસ્વીરોમાં શમીની ટેબલેટ સ્ક્રીન પર ચોખું દેખાઈ રહ્યું છે, જેમાં પબજી ગેમના ફુટેજના કેપ્ચર છે. રીતે અન્ય એક તસ્વીરમાં ચહલ પોતાના મોબાઇલ પર ગેમ રમતો દેખાઈ રહ્યો છે, જ્યારે ધોની પણ પોતાના ટેબલેટમાં ગેમ પ્રત્યે ફોકત કરતો દેખાઈ રહ્યો છે.

સિવાય અન્ય કેટલિક તસ્વીરોમાં કેપ્ટન વિરાટ કોહલી, હાર્દિક પંડ્યા, કેએલ રાહુલ, વિજય શંકર સહિત ટીમના અન્ય ખેલાડી આરામથી બેસીને રિલેક્સ થતા દેખાઈ રહ્યાં છે.

ફેન્સે પણ તસ્વીરો પર શાનદાર ટ્વીટસ કરી છે અને ખેલાડીઓને પબજી રમતા જોઈને ઉત્સુક થઈ રહ્યાં છે. એક ફેને લખ્યું, વાઉ, બધા પબજી લવર છે.

એક ફેને લખ્યું, આટલી રાતે પણ પબજી, વાંધો નહીં, ગુડ લક.

તો એક ફેને કોમેન્ટ કરી કે, પબજીનો વર્લ્ડ કપ નથી, ભાઇલોગ... ક્રિકેટનો છે.

 ટીમ ઈન્ડિયા

વિરાટ કોહલી (કેપ્ટન), રોહિત શર્મા (વાઇસ કેપ્ટન), શિખર ધવન, કેએલ રાહુલ, વિજય શંકર, એમએસ ધોની, કેદાર જાધવ, દિનેશ કાર્તિક, યુજવેન્દ્ર ચહલ, કુલદીપ યાદવ, હાર્દિક પંડ્યા, મોહમ્મદ શમી, ભુવનેશ્વર કુમાર, જસપ્રીત બુમરાહ, રવીન્દ્ર જાડેજા.

(5:42 pm IST)