ઇન્ડિયન પ્રીમિયર લીગ: રાજસ્થાન રોયલ્સે સંજુ સેમસનને બનાવ્યો કેપ્ટન
નવી દિલ્હી: ઈન્ડિયન પ્રીમિયર લીગની આગામી આવૃત્તિ માટે રાજસ્થાન રોયલ્સે સંજુ સેમસનને ટીમનો કેપ્ટન બનાવ્યો છે જ્યારે શ્રીલંકાના ભૂતપૂર્વ કેપ્ટન કુમાર સંગાકારાને ટીમના ડિરેક્ટર બનાવવામાં આવ્યા છે. રાજસ્થાનએ ઓસ્ટ્રેલિયાના દિગ્ગજ ખેલાડી સ્ટીવ સ્મિથને મુક્ત કરી દીધો છે, જેણે અગાઉની આવૃત્તિમાં ટીમની કમાન સંભાળી હતી. રાજસ્થાન દ્વારા સ્મિથ સિવાય અંકિત રાજપૂત, ઓશેને થોમસ, આકાશ સિંઘ, વરૂણ એરોન, ટોમ કરન, અનિરુધ જોશી અને શશાંક સિંહને મુક્ત કરાયા છે. રાજસ્થાનમાં આ સિવાય સંજુ સેમસન, બેન સ્ટોક્સ, જોફ્રા આર્ચર, જોસ બટલર, રિયાન પરાગ, શ્રેયસ ગોપાલ, રાહુલ તેવાતીયા, મહિપાલ લોમર, કાર્તિક ત્યાગી, એન્ડ્ર્યૂ ટાઇ, જયદેવ ઉનડકટ, મયંક માર્કંડે, યશસ્વી જયસ્વાલ, અનુજ રાવત, ડેવિડ મિલર, મનન વોહરા અને રોબિન ઉથપ્પાને જાળવી રાખવામાં આવ્યા છે.