વિજય હઝારે ટ્રોફીમાં સૌરાષ્ટ્રનો વિજય

નવી દિલ્હી: ભારતીય ડોમેસ્ટિક ક્રિકેટની પ્રીમિયર વન ડે ટુર્નામેન્ટ - વિજય હઝારે ટ્રોફીમાં ગત વર્ષના ફાઈનલીસ્ટ સૌરાષ્ટ્રે વિજયી શુભારંભ કરતાં ઉત્તરપ્રદેશને 25 રનથી પરાજય આપ્યો હતો. સૌરાષ્ટ્રના 9 વિકેટે 303ની સામે ઉત્તરપ્રદેશ 49.1 ઓવરમાં 278 રનમાં ખખડ્યું હતુ. જ્યારે કૃણાલ પંડ્યાની 85 રનની લડાયક ઈનિંગ મુંબઈ સામેની મેચમાં બરોડાને જીતાડી શકી નહતી. બરોડાના 238 સામે મુંબઈએ 41.3 ઓવરમાં એક વિકેટે 239 રન કરીને મેચ જીતી લીધી હતી. ચેન્નાઈમાં ભારે વરસાદને કારણે ગુજરાત અને આસામ વચ્ચેની મેચ એક પણ બોલની રમત વિના પડતી મૂકવામાં આવી હતી.