આઇપીએલ -12 : કોલકાતા નાઇટ રાઇડર્સ સામે રોયલ ચેલેન્જર્સ બેંગલોરનો 10 રને વિજય ;વિરાટે સદી ફટકારી
નીતિશ રાણાએ 46 બોલમાં અણનમ 85 રન અને રસેલે 25 બોલમાં 65 રન ફટકાર્યા
નવી દિલ્હી :રોયલ ચેલેન્જર્સ બેંગલોરે આઈપીએલ-12માં કોલકાતા નાઇટ રાઇડર્સ સામે 10 રને વિજય મેળવ્યો હતો. પ્રથમ બેટિંગ કરતા બેંગલોરે 20 ઓવરમાં 4 વિકેટે 213 રન બનાવ્યા હતા. જવાબમાં કોલકાતાએ 20 ઓવરમાં 5 વિકેટે 203 રન બનાવ્યા હતા. કોલકાતા તરફથી નીતિશ રાણાએ 46 બોલમાં 9 ફોર અને 5 સિક્સર સાથે અણનમ 85 રન બનાવ્યા હતા. રસેલે 25 બોલમાં 2 ફોર અને 9 સિક્સરની મદદથી 65 રન બનાવ્યા હતા. બંનેએ 118 રનની ભાગીદારી કરી હતી.
ક્રિસ લિન 1, સુનીલ નરૈન 18 અને શુભમન 9 રને આઉટ થતા કોલકાતાની શરુઆત ખરાબ રહી હતી. કોલકાતાએ 33 રનમાં 3 વિકેટ ગુમાવી દીધી હતી. ઉથપ્પા 9 રને આઉટ થતા કોલકાતાએ 79 રનમાં 4 વિકેટ ગુમાવી હતી.
પાર્થિવ પટેલ 11 રને નરૈનનો શિકાર બન્યો હતો. આકાશ દીપ 13 રન બનાવી રસેલનો શિકાર બન્યો હતો. આકાશદીપ અને વિરાટ વચ્ચે 41 રનની ભાગીદારી નોંધાઈ હતી.