કોહલીના કેપ્ટ્ન પદને છોડવા પર કપિલ દેવે આપ્યું બયાન....

નવી દિલ્હી:ભારતના ભૂતપૂર્વ કેપ્ટન કપિલ દેવનું કહેવું છે કે, ટી 20 વર્લ્ડ કપ બાદ ટીમના ટી 20 ફોર્મેટના કેપ્ટન પદ છોડવાનો નિર્ણય લેતા પહેલા વિરાટ કોહલીએ ભારતીય ક્રિકેટ કંટ્રોલ બોર્ડ (બીસીસીઆઈ) અને પસંદગીકારો સાથે વાત કરવી જોઈતી હતી. કોહલીએ આ નિર્ણય છેલ્લા પાંચ-છ વર્ષથી તેમના પર રહેલા કામના બોજને સંભાળવા માટે લીધો હતો. 1983 ની વર્લ્ડકપ વિજેતા ટીમના કેપ્ટન કપિલે એબીપી ન્યૂઝને જણાવ્યું હતું કે, "આ દિવસોમાં ક્રિકેટરોએ જાતે જ નિર્ણય લેતા જોઈને થોડું આશ્ચર્ય થાય છે. મને લાગે છે કે કોઈ ખેલાડીએ આવા નિર્ણયો લેતા પહેલા પસંદગીકારો અને બોર્ડ સાથે વાત કરવી જોઈએ. મને થોડું વિચિત્ર લાગે છે કારણ કે તે એક મહાન કેપ્ટન અને ખેલાડી છે. કોહલી એક મહત્વપૂર્ણ ખેલાડી છે અને હું તેને શુભેચ્છા પાઠવું છું. "