અમ્પાયરને બોલ વાગતા મોત

લંડન : ક્રિકેટ જગતમાં બોલ લાગવાની અનેક ઘટનાઓ પહેલા જોવા મળી છે. જો કે હાલમાં જ બોલ લાગવાને લીધે કોઈ પ્લેયર નહિં, પણ અમ્પાયરનું નિધન થયુ છે. યુકેના પેમ્બોકશરમાં પેમ્બ્રોક રમાયેલ અને નારબેથ વચ્ચેની મેચમાં અમ્પાયર જોન વિલિયમ્સને બોલ વાગ્યો હતો. તેમને તુરંત હોસ્પિટલમાં પહોંચાડવામાં આવ્યા હતા. કાર્ડીફની હોસ્પિટલમાં તેઓ કોમામા જતા રહ્યા હતા. જો કે પછીથી એક ઓગષ્ટે તેમને હેવરફોર્ડવેસ્ટની એક હોસ્પિટલમાં ખસેડાયા હતા. જયાં તેમણે અંતિમ શ્વાસ લીધા. જોનનું નિધન થતા તેમના સાથી અમ્પાયરો અને પ્લેયરોએ શોધ વ્યકત કર્યો હતો.