ગલી ક્રિકેટ રમ્યો સચિન

મુંબઈની ઓળખ ગણાતી ગલી ક્રિકેટ રમવાનો મોહ સચિન તેન્ડુલકર પણ છોડી નહોતો શકયો. વિલે પાર્લે નજીક મોડી રાતે કેટલાક યુવાનોને ક્રિકેટ રમતા જોઈને સચિન પણ ત્યાં ઉભો રહ્યો હતો. સચિને આ યુવાનો સાથે વાત કર્યા બાદ ટેનીસ બોલ સામે રસ્તાની વચ્ચે જ બેટીંગ કરી હતી. અત્યારે શહેરમાં તમામ સ્થળોએ મેટ્રોનું કામ ચાલી રહ્યુ છે તો ત્યાં લગાવેલી લોખંડના પતરાની દિવાલ નજીક કેટલાક યુવાનો ક્રિકેટ રમતા હતા. સચિને તેમની સાથે ક્રિકેટ રમતા - રમતા તમે કયાં કામ કરો છો એવા પ્રશ્નો પણ પૂછતા તમામે હોટેલમાં કામ કરતા હોવાનો જવાબ આપ્યો હતો. સચિનનો આ ગલી ક્રિકેટનો વિડીયો પણ સોશિયલ મીડીયામાં ઘણો વાઈરલ થયો છે. સચિન અત્યારે આઈપીએલમાં મુંબઈની ટીમનો આઈકન ખેલાડી છે.(૩૭.૭)