દક્ષિણ આફ્રિકાએ પાકિસ્તાન પ્રવાસ માટે 21 સભ્યોની ટીમ કરી જાહેર

નવી દિલ્હી: ક્રિકેટ સાઉથ આફ્રિકા (સીએસએ) એ પાકિસ્તાન પ્રવાસ માટે 21 સભ્યોની ટુકડીની જાહેરાત કરી છે. તેણે પાકિસ્તાનમાં બે ટેસ્ટ અને ત્રણ ટી -20 મેચ રમવાની છે. આ શ્રેણી 26 જાન્યુઆરીથી શરૂ થશે અને દક્ષિણ આફ્રિકાની ટીમ શુક્રવારે કરાચી જવા રવાના થઈ હતી. સીએસએએ કહ્યું છે કે ટીમના તમામ સભ્યોએ પાકિસ્તાન જતા પહેલા કોરોના ટેસ્ટ કરાવ્યો હતો. શ્રેણી અંતર્ગત પ્રથમ ટેસ્ટ કરાચીમાં 26 થી 30 જાન્યુઆરી દરમિયાન રમાશે, જ્યારે બીજી ટેસ્ટ રાવલપિંડીમાં 4 થી 8 ફેબ્રુઆરી દરમિયાન યોજાશે. આ પછી 11,13 અને 14 ફેબ્રુઆરીએ ત્રણ ટી -20 મેચ યોજાશે. તમામ મેચ લાહોરમાં હશે.