વર્લ્ડ કપ- 2020: ફિફા અન્ડર 17 મહિલા વર્લ્ડકપ અમદાવાદમાં રમાવાની શક્યતા

ફિફાના રિપ્રેઝન્ટેટિવ દ્વારા કાંકરિયાના ટ્રાન્સસ્ટેડીયા સ્ટેડિયમની મુલાકાત લીધી :ગાંધીનગરમાં સવહિવ સ્તરે બેઠક

 

અમદાવાદઃ વર્ષ 2020માં ભારતમાં ફિફા અન્ડર 17 મહિલા ફૂટબોલ વર્લ્ડકપ યોજવાનો છે. ફિફા રીપ્રેઝન્ટેટિવ દ્વારા અમદાવાદના કાંકરિયા ખાતે આવેલ ટ્રાન્સસ્ટેડીયા સ્ટેડિયમની મુલાકાત લેવામાં આવતા વર્લ્ડકપની કેટલીક મેચ અમદાવાદમાં રમાય તેવી શક્યતાઓ વધી છે.

  અન્ડર 17 મહિલા ફૂટબોલ વર્લ્ડકપ માટે ફિફાના રિપ્રેઝન્ટેટિવ દ્વારા ગાંધીનગર ખાતે સચિવ સ્તરે બેઠક યોજાઈ હતી. ત્યારબાદ તેમણે સ્ટેડિયમની મુલાકાત પણ લીધી હતી.

   સેમી ફાઇનલ સહિતની કેટલીક મેચો અમદાવાદમાં યોજાય તેવી તૈયારી ઓફિશિયલ્સ દ્વારા દર્શાવવામાં આવી છે. ફિફાની જરૂરિયાત અંગે ગાંધીનગરના અધિકારીઓએ મદદ કરવાની તૈયારી બતાવી છે. આ અંગે પ્રાથમિક તબક્કે વિચારણા ચાલી રહી છે.

   આ પ્રકારનું આયોજન થાય તો અમદાવાદ શહેર આંતરરાષ્ટ્રીય સ્તરની ફૂટબોલ ટુર્નામેન્ટનું યજમાન બનશે અને ફૂટબોલને પણ શહેરમાં પ્રોત્સાહન મળશે