આ ભારતીય ક્રિકેટર પર નોંધાયો છેતરપિંડીનો કેસ

નવી દિલ્હી: આઈપીએલમાં રાજસ્થાન રોયલ્સ તરફથી રમનાર ભૂતપૂર્વ ભારતીય ક્રિકેટર અજિત ચંડિલા પર ફ્રૂટ વેચનાર પાસેથી સાડા સાત લાખ રૂપિયાની છેતરપિંડીનો કેસ દાખલ કરાયો છે. ઉત્તર પ્રદેશના હાપુર શહેરના ફળ વેચનાર મશકૂરે ક્રિકેટર અજિત ચંડિલા પર ભારતીય અંડર -14 ક્રિકેટ ટીમમાં પુત્રની પસંદગીના નામે સાડા સાત લાખ રૂપિયાની છેતરપિંડીનો કેસ નોંધ્યો હતો.ફળ વેચનાર કહે છે કે ચંડીલાએ પૈસા એમ કહીને લીધા હતા કે ટીમ ઈન્ડિયાની પસંદગી ફેબ્રુઆરી 2019 માં કરવામાં આવશે અને તે ચોક્કસ તેમના પુત્રની પસંદગી પણ કરશે. પરંતુ ઘણા મહિના પછી પણ તેમના પુત્રની પસંદગી ભારતીય ટીમમાં નહોતી થઈ, તેથી તેણે ચંદેલાને પૈસા પરત કરવા કહ્યું, પરંતુ ચંદિલાએ હજી સુધી તેમને પૈસા આપ્યા નહોતા.જણાવી દઈએ કે અજિત ચંડિલા આઈપીએલમાં રાજસ્થાન રોયલ્સ તરફથી રમ્યો છે. 2013 માં, તેના પર આઈપીએલની મેચમાં ફિક્સિંગમાં સામેલ હોવાનો આરોપ મૂકાયો હતો. શ્રીસંત અને અંકિત ચવ્હાણ પર પણ આ કેસમાં આરોપી હતા. આ આરોપમાં દિલ્હી પોલીસે 16 મે 2013 ના રોજ આ ત્રણેય ખેલાડીઓની ધરપકડ કરી હતી.