કેરેબિયન પ્રીમિયર લીગમાં વેસ્ટઇન્ડિઝના ઓલરાઉન્ડર ડ્વેન બ્રાવોના ચેમ્પિયન-ચેમ્પિયન સોન્ગ ઉપર શાહરૂખ ખાને ડાન્સ કર્યો
મુંબઇઃ વેસ્ટ ઈંડિઝના ઓલરાઉંડર ખેલાડી ડ્વેન બ્રાવોના ડીજે મ્યૂઝિકને તો તમે સાંભળ્યું જ હશે. બ્રાવોનું ‘ચેમ્પિયન-ચેમ્પિયન’ સોન્ગ વેસ્ટ ઈંડિઝ ક્રિકેટનું નેશનલ એન્થમ બની ગયું હતું. આજકાલ વેસ્ટી ઈંડિઝનો આ સ્ટાર પોતાના દેશના ક્રિકેટ લીગ કેરેબિયન પ્રીમિયર લીગ (CPL)માં રમી રહ્યો છે. IPLની જેમ શાહરૂખ પાસે CPLમાં પણ ટ્રિનબાગો નાઈટ રાઈડર્સ (TKR) નામની ટીમ છે.
શાહરૂખની આ ટીમમાં બ્રાવો પણ સામેલ છે, જે ટીમના કેપ્ટન છે. અહીં બ્રાવોએ ક્રિકેટ રમાવાની સાથે સાથે પોતાની ટીમને ચિયર કરવા માટે એક ખાસ સોન્ગ પણ બનાવ્યું છે. TKR માટે બ્રાવોએ ‘ચેમ્પિયન-ચેમ્પિયન’નું રીમેક ‘વી ઈઝ ધ ચેમ્પિયન’ તૈયાર કર્યું છે. આ સોન્ગમાં તેણે પોતાની ટીમના દરેક ખેલાડીના નામ લઈને તેમના વખાણ કર્યા છે. બ્રાવોના આ નવા સોન્ગમાં શાહરૂખે ડાન્સ પણ કર્યો છે.
બ્રાવોના 2 મિનિટ 20 સેકંડના સોન્ગને ટ્વિટર અકાઉંટ પર શેર કર્યું છે. આ સોન્ગને શેર કરતા બ્રાવોએ લખ્યું કે, “CPL 2018 માટે TKRનું ઓફિશિયલ એન્થમ સોન્ગ લોન્ચ કર્યું છે. ‘બોલ ધેમ આઉટ’ આ સોન્ગને મેં અને જોજોએ મળીને લખ્યું છે. અને WIZએ પ્રોડ્યુસ કર્યું છે. અમારી TKR ટીમના સોન્ગ માટે હું શાહરૂખનો ખાસ આભાર માનું છું. મારા માટે આ સપનું સાકાર થવા સમાન છે.