ગિલક્રિસ્ટ અને મેકગ્રા થયા શાંત પૂજારા પર આફરીન
ઓસ્ટ્રેલિયન ટીમના બે ભૂતપૂર્વ ક્રિકેટરો એડમ ગિલક્રિસ્ટ અને ગ્લેન મેકગ્રાએ એડીલેડ ટેસ્ટના પહેલા દિવસની રમતને માણી હતી જેમાં ઓસ્ટ્રેલિયાના બોલરોએ વેધક પ્રદર્શન કર્યું હતું તો બીજી તરફ ચેતેશ્વર પુજારાએ પણ યોગ્ય જવાબ આપતાં સેન્ચુરી ફટકારી હતી. મેકગ્રાએ કહ્યું હતું કે સારૃં થયું ઓસ્ટ્રેલિયા ટોસ હારી ગયું. પિચ બીજા દિવસે એટલી બધી જીવંત નહીં હોય.
બીજી તરફ ગિલક્રિસ્ટ કહ્યું હતું કે ભારતીય બોલરો પણ તેમની ક્ષમતા મુજબ પ્રદર્શન કરીને ટીમને વાપસી કરાવશે. બન્ને દિગ્ગજોએ એક છેડેથી સતત વિકેટ પડી રહી હોવા છતાં ધીરજ ગુમાવ્યા વગર બેટિંગ કરનારા પુજારાનાં વખાણ કયાર઼્ હતાં. બીજી તરફ ભૂતપૂર્વ ભારતીય બેટ્સમેન કરસન ઘાવરીએ પુજારા જે રીતે રનઆઉટ થયો એ બાબતે હતાશા વ્યકત કરતાં કહ્યું હતું કે એક વધારાના રન માટે વિકેટ ગુમાવવી એક ગુના સમાન છે. તે થોડો ધીમો હતો એથી આ રીતે વધારાના રન માટે સાહસ કરવાની જરૂર નહોતી.