ઓસ્ટ્રેલિયાના 281 રનના જવાબમાં શ્રીલંકા 124 રનમાં ઓલઆઉટ

ઓસ્ટ્રેલિયાની મહિલા ટીમે પ્રથમ વન-ડેમાં શ્રીલંકાને 157 રનથી હરાવી હતી. આ સાથે ટીમે 3 વન-ડેની સીરિઝમાં 1-0 ની લીડ મેળવી લીધી છે. ઓસ્ટ્રેલિયાની આ સતત 16 મી વન-ડે જીત છે. ટીમે ત્રીજીવાર આ સિદ્ધી મેળવી છે. પુરુષ અને મહિલા ટીમમાં અત્યારસુધી કોઈપણ ટીમ આ સિદ્ધી મેળવી શકી નથી.

ટોસ જીતી ઓસ્ટ્રેલિયાએ પ્રથમ બેટિંગ કરવાનો નિર્ણય કર્યો. એલિસા હેલી (8) મોટી ઈનિંગ્સ ના રમી શકી. તે પછી કેપ્ટન મેગ લેનિંગે (73) અને ઓપનર રેચિલ હેન્સ (56)એ બીજી વિકેટ માટે 126 રનની ભાગીદારી કરી. જે પછી બેથ મૂની(66)એ અડધી સદી ફટકારી ટીમને 250 નજીક પહોંચાડી હતી. ટીમે 50 ઓવરમાં 8 વિકેટના ભોગે 281 રન કર્યા હતા.જવાબમાં શ્રીલંકન ટીમ 41.3 ઓવરમાં 124 રન કરી ઓલઆઉટ થઈ. કેપ્ટન શશિકલા શ્રીરિવર્ધનેએ સૌથી વધુ 30 રન કર્યા હતા. 6 ખેલાડી ડબલ ફિગર સુધી પણ પહોંચી શકી નહોતી. તાયસા, જોનાસેન અને ગાર્ડનરે 2-2 વિકેટ ઝડપી. કેપ્ટન લેનિંગને પ્લેયર ઓફ ધ મેચ જાહેર કરાઈ. સીરિઝની બીજી મેચ સોમવારે રમાશે.

(12:11 am IST)