દિલ્હીના મેડમ ટુસો મ્યુઝિયમમાં મૂકાયુ કોહલીનું સ્ટેચ્યુ

વિરાટ કોહલીનું સ્ટેચ્યુ દિલ્હીના મેડમ ટુસો મ્યુઝિયમમાં અન્ય લોકપ્રિય હસ્તીઓ વચ્ચે મૂકાયુ છે. તેના મીણના પુતળાનું અનાવરણ કરવામાં આવ્યુ હતું. આ પ્રસંગે મર્લીન એન્ટરટેઈનમેન્ટ ઈન્ડિયાના જનરલ મેનેજર અને ડિરેકટર અંશુલ જૈને કહ્યું હતું કે કોહલીના સ્ટેચ્યુના નિર્માણમાં છ મહિનાનો સમય લાગ્યો છે. એને ૨૦ શિલ્પકારોએ મળીને બનાવ્યુ છે જે માટે વિરાટના ૨૦૦ જેટલા માપ લેવામાં આવ્યા હતા.

આ સ્ટેચ્યુનો ફોટો વિરાટને પણ મોકલવામાં આવ્યો હતો. જે જોઈને કોહલીએ કહ્યું હતું કે 'મેડમ ટુસોએ કરેલી મારી પસંદગી જીવનનો એક કયારેય ન ભુલાય એવો અનુભવ છે. મારા સમર્થકોએ દર્શાવેલા પ્રેમ બદલ હું તેમનો આભારી છું.