News of Friday, 4th May 2018
ક્રિસ ગેઈલની ગગનચુંબી સિક્સર :બોલ સ્ટેડિયમની બહાર
મિશેલ મૈક્લેનગનના બીજા બોલ પર ગેલનું કારનામુ : 133.5 કિલોમીટર પ્રતિ કલાકની ઝડપથી આવતા શોર્ટ બોલને ગેલ એ 92 મીટર દૂર પહોંચાડી દીધો
ઇન્ડિયન પ્રીમિયર લીગમાં કેરેબિયન બેટ્સમેન ક્રિસ ગેલનું ધમાકેદાર ફોર્મ યથાવત છે આ ટુર્નામેન્ટમાં સૌથી વધુ છગ્ગા ફટકારવાનો રેકોર્ડ ગેલના નામ પર જ છે.આજે મુંબઇ ઇન્ડિયન્સની સામે મેચમાં ગેલે એવો છગ્ગો ફટકાર્યો કે ઇન્દોરના હોલકર સ્ટેડિયમની બહાર જતો રહ્યો. પંજાબની ઇનિંગ્સમાં છઠ્ઠી ઓવરમાં મિશેલ મૈક્લેનગનના બીજા બોલ પર ગેલ એ આ કારનામું કર્યું. 133.5 કિલોમીટર પ્રતિ કલાકની ઝડપથી આવતા શોર્ટ બોલને ગેલ એ 92 મીટર દૂર પહોંચાડી દીધો.
(1:02 am IST)