લંકા પ્રીમિયર લીગના ઉદ્ઘાટનમાં રમવા માંગે છે ઇરફાન પઠાણ

નવી દિલ્હી: ભૂતપૂર્વ ભારતીય ઓલરાઉન્ડર ઇરફાન પઠાણે 28 ઓગસ્ટથી શરૂ થનારી લંકા પ્રીમિયર લીગ (એલપીએલ) ની ઉદ્ઘાટન આવૃત્તિમાં રમવાની ઇચ્છા વ્યક્ત કરી છે. પઠાણ 70 વિદેશી ખેલાડીઓમાં સામેલ છે જેમણે એલપીએલમાં રમવા માટે રસ દાખવ્યો છે.એવું માનવામાં આવે છે કે પઠાણે સ્પર્ધામાં ભાગ લેવા માટે ભારતીય ક્રિકેટ બોર્ડ (બીસીસીઆઈ) ની મંજૂરી લીધી છે. બીસીસીઆઈ સક્રિય ખેલાડીઓને અન્ય ટી -૨૦ લીગમાં ભાગ લેવાની મંજૂરી આપતું નથી પરંતુ પઠાણે આ વર્ષે જાન્યુઆરીમાં નિવૃત્તિ જાહેર કરી હતી.