Gujarati News

ડિસ્કસ થ્રોના ટોચના એથ્લીટ વિકાસ ગૌડાએ ૧૫ વર્ષ કરતા વધુ સમય સુધી રમ્યા બાદ ગઈ કાલે નિવૃતિની ઘોષણા કરી હતી. દરમિયાન તે કોમનવેલ્થ ગેમ્સમાં આ સ્પર્ધામાં મેડલ જીતનારો પહેલો અને એકમાત્ર પુરૂષ ખેલાડી બન્યો હતો. જો કે તેનો આ નિર્ણય કંઈ આંચકાજનક નથી, કારણ કે ગયા વર્ષે ભુવનેશ્વરમાં એશિયન ચેમ્પિયનશીપમાં બ્રોન્ઝ મેડલ જીત્યા બાદ આ ખેલાડીએ કોઈ મોટી આંતરરાષ્ટ્રીય સ્પર્ધામાં ભાગ નહોતો લીધો. ૨૦૧૦ની કોમનવેલ્થ ગેમ્સમાં તેણે સિલ્વર તો ૨૦૧૪ની ગ્લાસગો ગેમ્સમાં ગોલ્ડ મેડલ જીત્યો હતો.