Gujarati News

ભારતીય ક્રિકેટ બોર્ડે ત્રણ સિલેકટરોના પગારમાં વધારો કરવાનો નિર્ણય કર્યો છે. એટલુ જ નહિં, અમ્પાયરો, સ્કોરર અને વિડીયો એનાલીસ્ટના પગારમાં પણ બમણો વધારો કર્યો છે. સબા કરીમના અધ્યક્ષપદમાં બનેલી ક્રિકેટ ઓપરેશન કમીટી દ્વારા આ નિર્ણય લેવામાં આવ્યો છે. વહીવટદારો પણ ચીફ સિલેકટર એમએસકે પ્રસાદના પગારમાં વધારો થાય એવુ ઈચ્છતા હતા. મહત્વની વાત તો એ છે કે ક્રિકેટ બોર્ડના ટ્રેઝરર અનિરૂદ્ધ ચૌધરીને જો કે આ વાતની માહિતી નથી. અત્યારે ચીફ સિલેકટરને વાર્ષિક ૮૦ લાખ રૂપિયા તો અન્ય સિલેકટરોને ૬૦-૬૦ લાખ રૂપિયા મળે છે. એને બદલે ચીફ સિલેકટરને એક કરોડ રૂપિયા તો અન્ય સિલેકટરોને વાર્ષિક ૭૫ થી ૯૦ લાખ રૂપિયા પગાર આપવામાં આવશે. ક્રિકેટ બોર્ડેે આ ઉપરાંત ડોમેેસ્ટીક મેચના રેફરી, અમ્પાયરો, સ્કોરર અને વિડીયો - એનેલીસ્ટના પગારમાં બમણો વધારો કરવાનો નિર્ણય કર્યો છે.