Gujarati News

નવી દિલ્હી: બીસીસીઆઇના ભૂતપૂર્વ અધ્યક્ષ એન શ્રીનિવાસનની પુત્રી રુપા ગુરુનાથ તામિલનાડુ ક્રિકેટ એસોસિયેશન (ટીએનસીએ)ની અધ્યક્ષ બની હતી. દેશના કોઇ પણ ક્રિકેટ એસોસિયેશનમાં મહિલા અધ્યક્ષ બનવાનો આ પ્રથમ કિસ્સો છે.ગુરૂવારે મળેલી ટીએનસીએની 87મી વાર્ષિક બેઠકમાં સર્વાનુમતે આ નિર્ણય લેવાયો હતો. દેશના ક્રિકેટના ઇતિહાસમાં આવું બનવાનો આ પ્રથમ કિસ્સો છે. જો કે રુપા ગુરુનાથ ટીએનસીએની અધ્યક્ષ બની એની ઔપચારિક જાહેરાત કરાઇ નહોતી. સુપ્રીમ કોર્ટના આદેશ મુજબ આ પસંદગી થઇ હતી. ટીએેનસીએની ચૂંટણીનો મામલો હાલ સુપ્રીમ કોર્ટમાં છે. સુપ્રીમ કોર્ટે ચૂંટણી કરવાની છૂટ એક શરતે આપી હતી કે ચૂંટણીનાં પરિણામ સુપ્રીમ કોર્ટની બહાલી પછી જાહેર કરવા. એ રીતે ગુરૂવારે મળેલી ટીએનસીએની વાર્ષિક બેઠકમાં આ વરણી સર્વાનુમતે થઇ હતી. સુપ્રીમ કોર્ટ એને બહાલ રાખે ત્યારબાદ રુપા અધ્યક્ષ બની હોવાની ઔપચારિક જાહેરાત કરવામાં આવશે.બુધવારે આ ચૂંટણીના ઉમેદવારી પત્રકો ભરવાનો છેલ્લો દિવસ હતો. રુપાએ બુધવારે પોતાનું ઉમેદવારી પત્રક ભર્યું  હતું અને એની સામે કોઇ પ્રતિસ્પર્ધી ન હોવાથી એ બિનહરીફ અને સર્વાનુમતે ચૂંટાઇ હતી. ક્રિકેટની દૂનિયામાં આ એક નવો ઇતિહાસ છે.