Gujarati News

નવી દિલ્હી, તા. ૩૦ : ઇન્ટરનૅશનલ ક્રિકેટ કાઉન્સિલના રેન્કિંગ્સના ટૉપ-ટેન પર ઇંગ્લૅન્ડના જેસન રૉય અને જોની બેરસ્ટોની નજર છે. ગુરૂવારથી ઇંગ્લૅન્ડ અને આયરલૅન્ડ વચ્ચે ત્રણ મૅચની હોમ સિરીઝ શરૂ થવાની છે. આ મૅચ દ્વારા આઇસીસીની ક્રિકેટ વર્લ્ડ કપ સુપર લીગની શરૂઆત થવાની છે.

આ લીગની ટૉપ સેવન ટીમની ઑટોમેટિક એન્ટ્રી ૨૦૨૩ના વર્લ્ડ કપમાં થઈ જશે. આઇસીસીના વન-ડે રેન્કિંગ્સના લિસ્ટમાં ઓપનર જેસન રૉય ૧૧મા અને વિકેટકીપર-બૅટ્સમૅન જોની બેરસ્ટ્રો ૧૪મા ક્રમે છે. તેઓ બન્ને અત્યાર સુધીમાં તેમના પર્સનલ બેસ્ટ રેન્કિંગ્સમાં નવમા ક્રમ સુધી પહોંચ્યા હતા. ગયા વર્ષે રૉય જુલાઈમાં નવમા ક્રમે હતો, જ્યારે બેરસ્ટ્રો ૨૦૧૮ના ઑક્ટોબરમાં નવમા ક્રમે હતો. આ સિરીઝ દ્વારા તેઓ ટૉપ-ટેન લિસ્ટમાં એન્ટ્રી મેળવી પોતાના બેસ્ટ રેન્કિંગ્સ મેળવવા નજર દોડાવી રહ્યા છે.