Gujarati News

નવીદિલ્હીઃ બ્રિસ્ટલમાં રમાયેલી ઇંગ્લેન્ડ સામેની પ્રથમ વન ડે મેચમાં ૭૨રન ફટકારેલ મિતાલી રાજને આઇસીસી મહિલા વન ડે રેન્કીંગમાં તેને સીધો ફાયદો મળ્યો છે. મિતાલી એ ૩૮ વર્ષીય છે અને તેણે હમણાં જ આંતરરાષ્ટ્રીય ક્રિકેટમાં ૨૨ વર્ષ પુરા કર્યા છે.

વર્ષ ૨૦૧૯ ના ઓકટોબર માસ બાદ તે પ્રથમ વખત ટોપ ફાઇવ મહિલા બેટ્સમન તરીકે પહોંચી શકી છે. આ પહેલા તે આઠમાં ક્રમાંકે હતી. આમ દિગ્ગજ ભારતીય મહિલા ક્રિકેટ કેપ્ટન મિતાલી એ ત્રણ સ્થાન આગળ વધી છે. જોકે અન્ય ભારતીય બેટ્સમેનોની વાત કરવામાં આવે તો, ખાસ કોઇના રેન્કીંગમાં ફેરફાર થયો નથી. શેફાલી વર્મા ટી૨૦ ક્રિકેટમાં નંબર વન બેટ્સમેન છે. જેણે હાલમાં જ ભારત અને ઇંગ્લેન્ડ વચ્ચેની પ્રથમ વન ડે દરમ્યાન ડેબ્યૂ કર્યુ છે.