Gujarati News

Gujarati News

News of Tuesday, 30th June 2020

આકાશ ચોપડાની આઇપીએલ ટીમમાં ધોની બન્યો કેપ્ટન : રોહિત શર્મા તથા ડેવિડ વોર્નરને ઓપનર તરીકે પસંદ કર્યા

ભુવનેશ્વર કુમાર, લસિથ મલિંગા અને જસપ્રીત બુમરાહને ફાસ્ટ બૉલિંગની જવાબદારી

નવી દિલ્હીઃ કોરોના વાયરસના કારણે છેલ્લા ચાર મહિનાથી ક્રિકેટને લગતી ગતિવિધિઓ અટકી ગઇ છે. દેશ અને દેશની બહાર ક્યાંય ક્રિકેટ રમાઇ રહી નથી. આ મહામારીના કારણે દેશની પૉપ્યુલર લીગ આઇપીએલ પણ સ્થગિત થઇ ચૂકી છે, આઇપીએલની 13 સિઝન રમાય તે પહેલા ટીમ ઇન્ડિયાના પૂર્વ દિગ્ગજ ક્રિકેટર આકાશ ચોપડાએ આઇપીએલની પોતાની ઓલટાઇમ હીટ આઇપીએલ ટીમની પસંદગી કરી છે. આ આઇપીએલ-11માં મહેન્દ્ર સિંહ ધોનીને કેપ્ટન બનાવવામાં આવ્યો છે.

ધોનીને આઇપીએલના સૌથી સક્સેસ કેપ્ટનોમાં ગણવામાં આવે છે. તેની કેપ્ટનશીપમાં ચેન્નાઇ સુપર કિંગ્સે ત્રણ વાર આઇપીએલ ટ્રૉફી જીતી છે. આકાશ ચોપડાએ પોતાની યુટ્યૂબ ચેનલ આકાશવાણી પર પોતનાની આઇપીએલ ટીમની જાહેરાત કરી, અને રોહિત શર્મા તથા ડેવિડ વોર્નરને ઓપનર તરીકે પસંદ કર્યા હતા. આકાશ ચોપડાએ નંબર 3 પર વિરાટ કોહલી, અને મીડલ ઓર્ડરમાં સુરેશ રૈના, અબ્રાહ્રમ ડિવિલિયર્સ અને ધોનીને રાખ્યા છે. વળી હરભજન સિંહ અને સુનિલ નરેન તરીકે બે સ્પિનરોને ટીમમાં સમાવ્યા છે ભુવનેશ્વર કુમાર, લસિથ મલિંગા અને જસપ્રીત બુમરાહના ખભે ફાસ્ટ બૉલિંગની જવાબદારી સોંપી છે. ઉપરાંત ગૌતમ ગંભીર અને આંદ્રે રસેલને એક્સ્ટ્રા ખેલાડીઓ તરીકે સ્થાન આપ્યુ છે.

આકાશ ચોપડાની ઓલટાઇમ આઇપીએલ-11 ટીમ આ મુજબ છે

મહેન્દ્ર સિંહ ધોની (કેપ્ટન), ડેવિડ વોર્નર, રોહિત શર્મા, વિરાટ કોહલી, સુરેશ રૈના, એબી ડિવિલિયર્સ, હરભજન સિંહ, સુનિલ નરેન, ભુવનેશ્વર કુમાર, લસિથ મલિંગા, જસપ્રીત બુમરાહ.

(1:42 pm IST)
  • પ્રાંતિજ માં વરસાદ વહેલી સવારે કાળા ડિબાંગ વાદળોથી અંધારપટ: ધીમી ધારે વરસાદથી ભારે બફારાથી લોકોને રાહત : વરસાદથી ખેડૂતોમાં ખુશીનો માહોલ access_time 11:03 am IST

  • પાટણ જીલ્લામાં એક મહિલા સહિત ૬ને કોરોના : પાટણ જીલ્લામાં આજે કોરોનાના ૬ પોઝીટીવ કેસ નોંધાયા છે. જેમાં મહિલા સહિત ૬ના રિપોર્ટ પોઝીટીવ આવતા સારવારમાં ખસેડેલ છે. access_time 3:51 pm IST

  • મોટી કંપનીનું વિમાન રન-વેથી સ્લીપ થઇ ગયું ? : દેશના મોટા કોર્પોરેટ હાઉસનું ખાનગી વિમાન પરમ દિવસે હૈદ્રાબાદ એરપોર્ટ ઉપર રન-વેની બહાર ચાલ્યુ ગયાના અહેવાલો મળે છે. પાંખો અને લેન્ડીંગ ગીયર ડેમેજ થયાનું ન્યુઝ ફર્સ્ટ નોંધે છે. જો કે વિમાનમાં બેઠેલાઓ અને મુસાફરો સલામત છે. વિગતો મેળવાઇ રહી છે. access_time 3:51 pm IST