Gujarati News

Gujarati News

News of Tuesday, 29th September 2020

મારી નવી સ્ટાઇલથી મારામાં કોન્ફીડન્સ આવી ગયો છેઃ એક સમયે હું નાસી પાસ થઇ ગયો'તો

છગ્ગાઓની સદી ફટકારનાર સંજુ સેમશન કહે છે

શાહજાહ : આઈપીએલ પહેલાં રાજસ્થાન ટીમ બાબતે જોશ બટલર, ડેવિડ મિલર, સ્ટીવન સ્મિથ અને બેન સ્ટોકસની વાતો થયા કરતી હતી, પણ જેવી ટુર્નામેન્ટ શરૂ થઈ કે આ બધાને બાજુમાં રાખીને વિકેટકીપર-બેટ્સમેન સંજુ સેમસન સુપરસ્ટાર બની ગયો.  

  તેની ગગનચુંબી સિકસરોએ હર કોઈનાં દિલ જીતી લીધાં છે. રાજસ્થાનના બ્રેન્ડ એમ્બેસેટર અને મેન્ટર શેનવોર્ન પણ કહેવું પડ્યું, 'મને નવાઈ લાગે છે કે સેમસન ભારતીય ટીમ વતી દરેક ફોર્મેટમાં કેમ નથી રમતો.?

 સેમસને કહ્યું કે 'હવે મારી એ સ્ટાઇલ જાળવી રાખવા માગું છું, કેમ કે એનાથી મારામાં કોન્ફિડન્સ આવી ગયો છે. ગેમ જીતીને સારું લાગી રહ્યું છે. હું ઘણી મહેનત કરી રહ્યો હતો, પણ ધાર્યા પ્રમાણે કંઈ થઈ નહોતું રહ્યું. ઘણું બધું ટ્રાય કર્યા બાદ હું નાસીપાસ થઈ ગયો હતો. ત્યાર બાદ મેં ઘણું આત્મવિશ્લેષણ કર્યું.

  મેં મારી જાતને પૂછ્યું કે મારે સફળતા મેળવવા શું કરવું જોઈએ? મેં મારી જાતને જ જવાબ આખો કે મારા હાથમાં હજી ૧૦ વર્ષ છે અને હું આ ૧૦ વર્ષમાં આ સુંદર રમતને મારું સર્વસ્વ આપી દેવા માગું છું. તમારામાં તાકાત તો તમારા પરિવારજનોમાંથી આવે છે. મારા પપ્પા ઘણા પાવરફુલ માણસ છે.'

(3:18 pm IST)
  • આજથી ખુલ્યા ત્રણ મહત્વના IPO: યુટીઆઇ AMC, મઝગાંવ ડોક અને લિખિતા ઇન્ફ્રા : ૧ લી ઓકટોબરે ત્રણેય ઇસ્યુ બંધ થશે access_time 11:21 am IST

  • બપોરે ધોરાજીમાં ભૂકંપનો આંચકો : રાજકોટ - પોરબંદર હાઈવે ઉપર આવેલ રાજકોટથી ૧૦૦ કિ.મી. દૂર ધોરાજી શહેરમાં ૩:૪૫ વાગ્યે અત્યારે ભૂકંપનો જોરદાર આંચકો આવતા લોકોમાં ભારે ગભરાટ છવાઈ ગયેલ : અનેક લોકો ઘરની બહાર નીકળી ગયા (કિશોર રાઠોડ, ધોરાજી) access_time 3:59 pm IST

  • બિહારમાં ગઠબંધનનો દોર શરૂ :પપ્પુ યાદવની જન અધિકારી પાર્ટી, ચંન્દ્રશેખર આઝાદની આઝાદ સમાજ પાર્ટી, બીએમપી અને સોશિયલ ડેમોક્રેટિક પાર્ટી ઓફ ઈન્ડિયાએ સાથે મળીને પીડીએ( પ્રોગ્રેસિવ ડેમોક્રેટિક અલાયંસ) બનાવ્યુ: રાલોસપાના અધ્યક્ષ ઉપેન્દ્ર કુશવાહ સાથે વાતચીત ચાલુ: લોજપા અને કોંગ્રેસને પણ ગઠબંધનમાં સામેલ થવા કહેણ : પપ્પુ યાદવે કહ્યું રાજ્યમાં ચાલી રહેલા 30 વર્ષનું મહાપાપ હવે ખતમ થશે access_time 12:53 am IST