Gujarati News

Gujarati News

News of Friday, 29th June 2018

જર્મનીનો સુપરફેન 'આસામ'માં : લોન લઈ બનાવ્યું ઓડીટોરીયમ : જર્મની વર્લ્ડકપમાં હારી જતા નિરાશ

આસામના બિઝનેસમેન પુતુલ બોરા જર્મનીના સુપરફેન છે. કાર્બી આંગલોંગ જીલ્લાના દીપુ ગામમાં રહેનાર ૫૭ વર્ષીય બોરાએ સ્ટેટ બેન્ક ઓફ ઈન્ડિયામાંથી ૧૩ લાખની લોન લઈ પોતાના ઘરે ઓડીટોરીયમ બનાવ્યુ છે. જેથી ફિફા વર્લ્ડકપના મેચોનો લોકો ભરપૂર આનંદ માણી શકે. ૨૦૦ થી ૩૦૦ લોકોની બેઠક વ્યવસ્થાવાળા ઓડીટોરીયમમાં પુતુલ ચા - નાસ્તો પણ આપે છે. આ ઓડીટોરીયમનું નામ 'ધ જર્મન સ્ટેડિયમ' રાખ્યુ છે.જો કે જર્મની વર્લ્ડકપમાં હારી જતા બોરા ખૂબ જ નિરાશ થયા છે. તેમણે જણાવેલ કે મારી ટીમ ભલે હારી પણ ૨૦૨૨માં ફરી મજબૂતી સાથે પરત ફરશે. સાથોસાથ અન્ય ટીમના સમર્થકો હોવાથી મેચનું સ્ક્રીનીંગ પણ ચાલુ રાખવાનું તેમણે ઉમેર્યુ હતું.

(4:15 pm IST)
  • સાણંદ તાલુકા પંચાયત ભાજપે ગુમાવી : ૧૩ સભ્યોનો સાથ મેળવી કોંગ્રેસની જીતઃ ઉપપ્રમુખ પદે ભરતસિંહ ડોડીયાની થઇ વરણીઃ પ્રમુખ પદે રંજનબેન વાઘેલા ચુંટાયા access_time 4:07 pm IST

  • ઓમાનના કુરિયાતમાં 24 કલાક સુધી ૪૨.૬ ડિગ્રી સેલ્સિયસ તાપમાન :હવામાન વિજ્ઞાનીઓનું કહેવું છે કે આ સૌથી ગરમ લઘુતમ તાપમાન છે, જે આ પહેલાં ક્યારેય નોંધાયું ન હતું:કુરિયાતના નામે દેશમાં સૌથી ગરમ દિવસનો વિક્રમ નોંધાયેલો છે.: ગયા મે ૨૦૧૭માં કુરિયાતમાં તાપમાન ૫૦.૮ ડિગ્રી સેન્ટિગ્રેડ સુધી પહોંચી ગયું હતું access_time 1:19 am IST

  • યુનાઈટેડ નેશન્સ (યુએન) માં અમેરિકી રાજદૂત નિકી હેલે ગુરુવારે પોતાનો ત્રણ દિવસીય ભારત પ્રવાસ પૂરો કરીને પાછા ફર્યા છે. પ્રવાસના અંતિમ દિવસે તેમણે પ્રધાનમંત્રી નરેન્દ્ર મોદી સાથે મુલાકાત કરી. નિકીએ આ મુલાકાતમાં પીએમ મોદીને ઈરાન વિશે સંદેશ આપ્યો કે જે ટ્રમ્પ તરફથી આવ્યો હતો. અમેરિકાએ ભારતને સ્પષ્ટ કહ્યુ છે કે ઈરાન સાથે પોતાના સંબંધો પર તે ફરીથી વિચાર કરે. access_time 1:39 pm IST