Gujarati News

Gujarati News

News of Friday, 29th June 2018

હું પ્રેગ્નન્ટ છું, પણ મને દિકરો જ થાય એવી દુઆ ન કરતા : સાનિયા મિર્ઝા

ટેનિસ ખેલાડી સાનિયા મિર્ઝા હાલમાં પ્રેગ્નેન્ટ છે. મુંબઈમાં બુધવારે આયોજીત મહિલાઓના વિકાસ અને ગર્લ ચાઈલ્ડની ઈવેન્ટમાં તેણે કહ્યું હતું કે હું પ્રેગ્નેન્ટ છું અને લોકો મને દિકરો થાય એવી દુઆ કરે છે, પણ મારા માટે દિકરાની નહિં, પણ જો કોઈએ દુઆ કરવી હોય દિકરીની દુઆ કરે. તેણે વધુમાં જણાવ્યુ હતું કે અમારે કોઈ ભાઈ નથી, અમે ફકત બે બહેનો છીએ. જયારે હું ફકત ૬ વર્ષની હતી ત્યારથી ટેનિસ રમું છું. અમારા ઘરે આવનારા લોકો હંમેશા કહેતા કે શોર્ટ સ્કર્ટ પહેરીને રમીશ તો તડકામાં કાળી થઈ જઈશ, કોઈ લગ્ન નહિં કરે. મને અને મારી બહેનને લોકો હંમેશા પૂછતા કે તમારે કોઈ ભાઈ છે? જયારે અમે જણાવતા કે અમે ફકત બે બહેનો છે તો લોકો દુઃખ વ્યકત કરતા હતા. સાચુ કહુ તો અમે કયારેય ભાઈની ખોટ નથી અનુભવી.

(4:14 pm IST)
  • જગન્નાથની રથયાત્રા પુર્વે નરોડા કેનાલ નજીક હથિયારો સાથે ૨ની ઘરપકડ : અમદાવાદ રથયાત્રા પુર્વ નરોડા કેનાલ નજીકથી હથિયારો સાથે ૮ પૈકી ૨ લોકોની ઘડપકડઃ ક્રાઇમ બ્રાન્ચે ૬ પિસ્તલ, ૨ રીવોલ્વર, ૪ મેગેઝીન, ૧૦૧ કાર્ટિસ જપ્ત કર્યા access_time 4:08 pm IST

  • ઉપરાષ્ટ્રપતિ એમ વેંકૈયા નાયડૂ આજે પીસી મહાલનોબિસ જયંતીની 125મી વર્ષગાઠ અને સ્ટેટિસ્ટિક્સ ડેએ તેમના સન્માનના ભાગરૂપે રૂપિયા 125નો સિક્કો જાહેર કરશે. આ ઉપરાંત આજે રૂપિયા પાંચના પણ નવા સિક્કા જાહેર કરવામાં આવશે. નોંધનીય છે કે, મહાલનોબિસ જયંતીને સ્ટેટિસ્ટિક્સ ડે તરીકે મનાવવામાં આવે છે. કારણ કે ભારતીય સ્ટેટિસ્ટિક્સ સંસ્થાની સ્થાપના મહાલનોબિસે 1931માં કરી હતી. access_time 1:39 pm IST

  • યુનાઈટેડ નેશન્સ (યુએન) માં અમેરિકી રાજદૂત નિકી હેલે ગુરુવારે પોતાનો ત્રણ દિવસીય ભારત પ્રવાસ પૂરો કરીને પાછા ફર્યા છે. પ્રવાસના અંતિમ દિવસે તેમણે પ્રધાનમંત્રી નરેન્દ્ર મોદી સાથે મુલાકાત કરી. નિકીએ આ મુલાકાતમાં પીએમ મોદીને ઈરાન વિશે સંદેશ આપ્યો કે જે ટ્રમ્પ તરફથી આવ્યો હતો. અમેરિકાએ ભારતને સ્પષ્ટ કહ્યુ છે કે ઈરાન સાથે પોતાના સંબંધો પર તે ફરીથી વિચાર કરે. access_time 1:39 pm IST