Gujarati News

Gujarati News

News of Friday, 29th May 2020

ઓક્ટોબર-નવેમ્‍બરમાં નિર્ધારિત ટી૨૦ વિશ્વકપ માટે આંતરરાષ્‍ટ્રીય ક્રિકેટ પરિષદ કોઇ નિર્ણય લઇ ન શક્યુઃ હવ. ૧૦ જુન આસપાસ નિર્ણયની સંભાવના

દુબઈઃ આ વર્ષે ઓક્ટોબર-નવેમ્બરમાં નિર્ધારિત ટી20 વિશ્વકપ પર આંતરરાષ્ટ્રીય ક્રિકેટ પરિષદ (ICC) કોઈ નિર્ણય લઈ શક્યું નથી. આઈસીસી બોર્ડની ગુરૂવારે ટેલિકોન્ફરન્સ દ્વારા યોજાયેલી બેઠકમાં ટી20 વિશ્વકપ પર 10 જૂન સુધી નિર્ણય ટાળી દેવામાં આવ્યો છે. વિશ્વકપનું આયોજન 18 ઓક્ટોબરથી 15 નવેમ્બર વચ્ચે થવાનું છે.

ઓસ્ટ્રેલિયામાં આ વર્ષે રમાનાર ટી20 વિશ્વકપના ભવિષ્યને લઈને થયેલી બેઠકમાં કહેવામાં આવ્યું કે, સભ્ય બર્ડ આવનારા દિવસોમાં પોત-પોતાના દેશોમાં કોરોના વાયરસના સંક્રમણ પર નજર રાખશે. આઈસીસી બોર્ડની બેઠકમાં સામેલ કરવામાં આવેલા તમામ એજન્ડાને 10 જૂન સુધી ટાળી દેવામાં આવ્યા છે.

આઈસીસી બોર્ડે ટેલિકોન્ફરન્સ બાદ કહ્યું, બોર્ડ આઈસીસી મેનેજમેન્ટને આગ્રહ કરે છે કે તે કોવિડ-19 મહામારીને કારણે સતત બદલી રહેલી જન સ્વાસ્થ્યની સ્થિતિને જોતા વિભિન્ન આપાત વિકલ્પોને લઈને સંબંધિત હિતધારકોની સાથે ચર્ચા જારી રાખે.

તેવી શક્યતા વ્યક્ત કરવામાં આવી રહી હતી કે કોવિડ-19 મહામારીને કારણે ઊભી થયેલી પરિસ્થિતિઓમાં ટી20 વિશ્વકપનું આયોજન ટળવા પર ઈન્ડિયન પ્રીમિયર લીગ (આઈપીએલ) કરાવવાનો રસ્તો ખુલી જશે. એટલે કે બીસીસીઆઈ આ ઓક્ટોબર-નવેમ્બરના વિન્ડોને આઈપીએલમાટે ઉપયોગમાં લેશે. હવે આઈપીએલના આયોજનની રણનીતિ નક્કી કરવા માટે વધુ રાહ જોવી પડશે.

આ પહેલા અટકળો લગાવવામાં આવી રહી હતી કે બેઠક બાદ ઓસ્ટ્રેલિયામાં યોજાનાર ટી20 વિશ્વકપને 2022 સુધી સ્થગિત કરવાની જાહેરાત સંભવ છે.

(4:48 pm IST)
  • કર્ણાટકના દક્ષિણ ભાગમાં સર્વત્ર ૩ થી ૪ ભારે વરસાદ : બેંગ્લુરૃઃ કર્ણાટકના દક્ષિણના આંતરીક ભાગોમાં ૩ થી ૪ ઇંચ જેવો ભારે વરસાદ પડયો છે. મૈસુરમાં ૩ ઇંચ, માંડયામાં ૩ાા ઇંચ અને ચામરાજનગર જીલ્લામાં ધમધોકાર ૪ ઇંચ વરસાદ ખાબકયો છે. access_time 11:51 am IST

  • પોરબંદર દરિયામાં કરંટ : બંદરે એક નંબરનું સિગ્નલ લગાડાયું : અરબી સમુદ્રમાં લો પ્રેશરને કારણે સાવચેતીના ભાગરૂપે એક નંબરનું સિગ્નલ લગાવ્યું : માછીમારોને દરિયો નહીં ખેડવા સલાહ access_time 11:45 pm IST

  • અરબી સમુદ્રમાં સર્જાયેલ હવાનું દબાણ મુંબઇ અને દક્ષિણ ગુજરાતની નજીક આવી ગયું છે, વરસાદી વાદળાં આવવા લાગ્યા છે. જેના લીધે ચોમાસુ કરન્ટ 3 રાજ્યોમાં નજીક આવી પહોંચશે. જૂનના પ્રથમ સપ્તાહમાં મુંબઈમાં જોરદાર વરસાદ, 2 અને 4 જૂન વચ્ચે મુંબઈમાં ભારે વરસાદ પડશે : હવામાન ખાતું access_time 10:19 pm IST